اما قسم الرجال
(مجلس -مقلط-حمام-اعزكم الله-وسيب صغير قدام الحمام)
هذا كل يومين ارتبه وامسح الحمام بديتول
والمقلط فيه اغراض اخوان زوجي(دولابهم وفرشهم)يعني غرفه>>> ماجيه الا بالكنس

وكل يومين بيجينا اخوهم الكبير حاط اهله عند خوالهم عندهم زواجات لمدة شهر
وهو عزوبي يجي باليومين مره يتقهوى ويتعشى>>اختصر علي الوقت كل مايجي انظف وارتب
مره اكنس ومره لا.....لانه بيكون نظيف
بس اغيير اكياس الزبايل-اعزكم الله-

السلام عليكم ورحمة الله وبركاته
وحشتوني كثر البنقاليه موب اللي في الرياض بس لا كثر اللي في المملكه ودول الخليج>>>هههه الله يفكنا منهم
وش اخباركم وعلومكم؟؟؟
كل يوم افكر فيكم وفي يومياتكم وضعي مازال مثل ماهو بدون نت واليوم جيت اهلي قلت اطل عليكم
وابسطت الصراحه من اخباركم الحلوه
*اول شي الحمد لله على سلامة بنت نوره وجرح وفي ديرتنا
*ومبروك الحمل وفاء والخيط الاسود الله يثبته ويسهل اموركم ويرزقكم ماتتمنون
ونورتينا ياوفاء ويومياتك المميزه..
*واحلى خبر استقرار ديما111 تصدقين فرحت لك من قلبي واخيرا افتكيتو من بهذلة الشنط الله يجعل منزلكم مبارك
وعامر بذكر الله ...
*انثى الاسد وبنت نوره واناااا ياحبي لكم ياجعلكم ماتفقدون غالي
*ساكون الحمد لله ربي حماكم من العقرب بس انتبهي لبناتك وعو ذيهم كل يوم ولا تنسين اذكارك والله يحفظكم.
*عباير ماشاء الله سنعه بس انتبهب لنفسك
..في بالي ردود كثيره بس العتب على الذاكره
يومياتي لا جديد بس من بعد النت صرت مثقفه وهاليومين اقرء كتاب قديم بس الصراحه يبعث السعاده لنفسي >>>جمله متعوب عليها خخخخ
كتاب (لا تحزن )لعائض القرني
وبديت هاليومين بتنظيف المطبخ عميق بس صايره بطيئه بالشغل والمطبخ تعبني مرررره غباااااااار بديت بالادراج ومابعد خلصته
ويارب اخلص شغلي قبل رمضان باذن الله وودي بعد افرزن سمبوسه عشان يخف الشغل في رمضان ونتفرغ للعباده
في بالي ردود اذا تذكرت رجعت..

اليوم انتهيت بكنس البيت
لكن عندي غسيل-يارب عفوك->>ماتوقعته لين شفت سلة الغسيل قلت يوه من اين جت
اتذكرت لي حوالي 4يوم ماغسلت

بالنسبه لاشغالي>>اشتغل بالتقسيط يعني لي اسبوع وع اشتغل يعني سلحفاه
(العوض ولا القطيعه)

اهلين سدووووووووووومه
اشتقنا لك
اما البقاليه حلوووووووووووووووووه

عسااااااااااك ع القوه...........شوفيني انا ....من يوم الاربعاءالساعه 2الفجر......لين اليوم الجمعه وانا ع المطبخ

بس طولي بالك ع باقيع الشهر المبروك تقريبا اسبوعين معك وقت باذن الله

اكتبيالجدول بالتفصيل الممل وكل شغله تنتهي منها اشطبي عليها والله راح تحسي بالحماس>>كذا سويت
ولله الحمد انتهيت

عبوره ماشاءالله تبارك الله عقبالي ناويه نيه على المطبخ مابقى لي الا هو والأسياب فقط
وفاء تسلمين ياقلبي وينك عن الماسنجر؟
حلومه ياحبيلك تسلمين
ديومه تسلمين ياقلبي ودام عندك غسيل اقضبي ارضك بس
الصبح سويت بسكويت فانيليا وفراوله ودله حليب وافطرنا ونام ولدي وابوه بعد الصلاه لما العصر وانا جلست اغسل ملابس ولدي
والساعه 2ركبت جريشي بالكاتم وطفيته 3 بس يعدم لي الفرن لن البخار يخلي مويه الجريش تفور وتوسخ الفرن ويبيله تنظيف وفرك جامد
الله يعين عليه باقي لي مواعين الغداء وقدر الجريش وبس وان قدرت اكوي كويس وان جاني النوم بدري بنخمد هههههههههههه
ابشركم كويت بنطلون وبدلتين لولدي وطفشت وخليتهم خخخخخخخخخخ