مدخل :
كلما ازداد استعدادنا للعطاء ,
كلما زاد مانحصل عليه من فرص السعادة والنجاح
تمر السنوات تلو السنوات ,, ونحظى باوقات راحة كثيرة ,, واجازات طويلة ,,
البعض منا من يحاول ان يستفيد ,, يلتحق بدورة , يتقن عملا ,, والاخر ,, لاشيء ..
لنفسي قبلكن ,, نقلت هذا الموضوع ,, لأني أتمنى أن تكون الاجازة هذا العام ( غيــــر )
نبداءبأهم شيء
مع الله :
طوال العام , كنت مشغولة , بحوث , اختبارات , دوام متأخر , وكنتي مقصرة بعبادتك كثير ..
طيب الحين ليه ماتبدين تغيرين بعض الأشياء ؟
- في اقتراح مرة حلو .. خصصي لك جزء من القران تقرينه كل يوم .. والاحلى من هذا حاولي تحفظين لك وجه , نص وجه .. وبالليل صلي فيهم وأوتري ,, وشفي الراحة الروحية الي بتلقينها ..
فكرة بسيطة مرة وبتشغلك وقتك بشي ينفعك بالدنيا والاخرة .. وعاهدي نفسك انك ماتنامين لين تصلين لو ركعتين بس
- اذا كنتي ماتنامين الا بعد الفجر .. خلي لك يوم بالاسبوع مثلا اقعدي لين تشرق الشمس اقري اذكارك .. واذا أشرقت صلي لك ركعتين ,, وشوفي الأجر العظيم
يقول رسول الله صلى الله عليه وسلم
(من صلى الفجر في جماعة ثم قعد يذكر الله حتى تطلع الشمس ثم صلى ركعتين كانت له كأجر حجة و عمرة تامة تامة تامة .)
- مع الوالدين :
- فاجئي والديك بعشا حلو من يديك , , حاولي دايم تدخلين السعادة الى قلوبهم ,
- دائما نهدي صديقاتنا , حبايبنا بوكيه ورد لنجاح , ولادة ,تخرج ,شكر وننسى اغلى الناس الام والاب ,, حلو لو تقدمين بوكيه ورد بدون مناسبة بس لانك تحبينهم وممتنة لهم
في فكرة حلوة روحي لمؤسسة خيرية وتبرعي عنهم وعطيهم الايصال وشفي قد ايش بيفرحون .
مع الأسرة و المجتمع
مع الاسره والمجتمع:
- الجمعات العائلية دائما ماتتذمر منها البنات , ملل , نفس السوالف , هذي تحكي بشغالتها , وهذي بزوجها وحنا وش دخلنا : (
طيب لازم نغير , سوي مسابقات والأحلى لو كانت حركية مرة بتنبسطون ويكون تغيير عن المعتاد وهذي افكار بسيطة للمسابقات :- ملعب صابوني
- أحسن طبخة .
- مسابقة حركية : مثلا جيبي كمية كبيرة من الشرابات واسرع وحده تلبس اكثر شي هي الفايزة ,
أو جيبي شباصات صغيرة ( كلبسات ) والي تحط اكثر كمية باسرع وقت هي الفايزة
او جيبي سطل في ثلج وباسفله حطي هلل والي تجمع اكبر كمية هي الفايزة ( هذي حلوة لانها بتجمد ايديهم نذالة : )
او بدال الثلج طحين وانواع الحفلة بتقلب وجيههم وايديهم بيض
الاطفال ممكن شد الحبل , او الكراسي , او جيبي بلونات ووحة منهم حطي فيها ورقة صغيرة قبل لا تنفخينها والي يفقع الي فيها الورقة هو الفايز طبعا ماراح يدرون أي وحده هو وحظه ,
والي عندها افكار مسابقات لا تبخل علينا
- للمتزوجات بعد ،، ايام الدراسه كثيرتنشغل الناس عن بعض حلو تنظمين جمعة حلوة للعائلة وتقربي الإشخاص البعيدين من بعض منها تنبسطون ومنها تأخدين أجرهم
- التحقي بعمل تطوعي
,, في مؤسسات الايتام او المعاقين مثلا , أو اذا كنتي ماتقدرين تلتزمين يوميا جمعي بنات خالتك واتفقوا ,, اشتروا هدايا وغلفوها ,, ورحوا للمستشفيات , دور الايتام , ومافي أحلى من ادخال الفرح على الاخرين - اشتركي باحد الدور في تنظيم حفل للاطفال
, مرة ممتع روحي ابو ريالين وقشي من الزينة وأكياس الهدايا وبخاخات الثلج والبالونات وانبسطي معهم , أو سوي حفلة نجاح لأطفال العائلة ,, اشتري الوان للرسم على الوجه وارسمي على وجيههم وصدقيني مرة ممتع وبتنبسطين حيييييييييييييييييييييييييييييييل.- اذا كنتي الصباح ماتنامين بدري شرايك اطلعي انتي واخوك /زوجك اشتري فطور للعمال ( فول -فلافل ) ووزعي عليهم وبعدها تهني باحلى نومة .
- اذا كان عندك قدرة على التدريب والالقاء تعاوني مع احد الدور والمؤسسات النسائية بحيث يكون ريعه لهم .
- اذا كنتي ماهرة بانتاج المقاطع والفيديو المفيدة والدينية ابدعي ونزليهم باليوتيوب ولك الاجر والمتعه : )
- اذا كنتي محبة للتصويرالفيديو نظمي برنامج لاخوانك ( لعب – حفظ قران – احسن طباخه- احسن كوافيره – احسن متنكر في حفلة تنكرية- ملعب صابوني بالحوش ) و احتفظي بالصور واخر الصيف اعرضيهم كفيديو مع تعليقاتك وكل صيف سوي كذا بيصير عندك ذكريات ولا احلى : )
- اذا كنتي من محبي النت اجمعي بعض المواضيع ( دينية – صحية – ثقافية – اجتماعية ) واحتسبي انك تنفعين اخواتك المسلمات وانشريها في المنتديات , وهنيئا لك بالاجر
.. مع نفســــ(
)ــــــــــك - خاطرك تتعلمين انجليزي – حاسب الحين احسن وقت ولك الخيار تبين الصبح الليل الي يناسبك ومافيها تعب ولاشي لانك ماعندك دوام وفاضية وبيكون احلى لو كان معك صديقاتك J
- متضايقة من شي في جسمك الحين جاء الوقت والفراغ وابدعي , الي ودها تسوي ليزر تقدر – والي منقهرة رجولها خشنة تبدى تهتم وماراح ينتهي الصيف الا وهي قمر – الي شعرها خرب من الصبغات تهتم وعلى اول السنة الجديدة كل من بينبهر بشعرها , والي ودها تنحف هذي احلى فرصة ,وعن تجربة احسن وقت للرجيم الصيف مع الحر الواحد مايشتهي زي الشتاء , العبي رياضة تزيد هرمون السعادة ولياقة الجسم .
- اظهري مهارتك في الاعمال اليدوية
عندك ازرار قديم , كلف ماتبينها . سوارة مليتي منها . بروش . حلق , تعالي اقولك وش تسوين ؟
روحي السوق واشتري اطواق سادة عريضة وسط ونحيفة الي تحبينها ( عند ابو ريالين تلقينهم ربطة )
وروحي السوق اشتري كلف غريبة وحلوة , فصوص , ورورد . صمغ مسدس
وابدي زيني الاطواق انتي واخواتك وشوفي من الاحلى , المنافسة حلوة وتزيين الاطواق جدا ممتع
افتحي دولابك شوفي وش محتاجة الوان وابدي بدعي بدال ماتشترين سوي لنفسك بألوان ملابسك واذا مره ابدعتي
اشتركي في بازار , بيعيهم , اهدي صديقاتك , كوني مميزة بشيء من صنع يدك : )
وأخيرا ..
اتمنى يكون الموضوع حاز على اعجابكم
كانت مجرد دعوة للايجابية والاستمتاع بالاجازة ,, تمنياتي لكم باجازة سعيدة
ملطوش مع بعض الاضافات والتعديل من اللي لاطشته :)
جزااااااااااااك الله خير اختي