ا حنا عندنا مو زين اللي تسدح وتبالغ وتسوي سرير نفاس في غرفة الحريم الا في حالة القيصري وكمان تتحرك النفاس وماتكون جنازه
والله النفاس عندنا تقوم وتتحرك وبعضهم ممكن تباشر وتساعد في يوم العقيقه وعيب تتمدد الاربعين كلهااصلا ماشفت وحده سوتها الا وحده كانت عايشه في الرياض وتاثرت بالنجديات وجابت معها كيس اعشاب اشترته بمبلغ وقدره
الممرضة الفلبينيه تعرفت عليها وضحك وسوالف معاهاتقول قومي امشي تحركي بشويش عشان الخياطةماتوجعك وكل شويه تطل عليه تقول باقي مكانك يله قومي امشي والحمدلله النتائج سليمه
سبحان الله كل منطقه تختلف عن الثانيه اناجنوبيه من منطقة عسير
الحركه عندنا شئ عادي عند النفاس واللي تولد بعيد عن امها برضه موغريب يعني يصيركثير بس الله يعينها
احيان الاول بس والباقي بكيفها عادي
النجديات ياحبي لهم دلوعات:04:

والله انا عايشة بالعراق وماعمري سمعت عن الهواء داخل الارحام او اي مشكلة خواتي ثلاثة والدات في بيت اهلي كلهم ماشكو من شي وحتى التوسع عندنا بلعراق بس اول طفل يعني الولادات الثانية مايوسعون للحرمة وعندنا بلعراق الحرمة بعد ماتولد بنص ساعة تطلع من المستشفى على طو ل ماتنام لا ومن ترجع للبيت تنام يوم واحد وثاني يوم على طول تمارس نشاطاتها اليومية بشكل عادي تنظيف وغسل ملابس وعجن وخبز واجسامهم مرة رشيقة لا كرش بس انا واختي متزوجات بلسعودية ومن نولد خالتي ماتخلينا نتحرك ولا نمشي كله نوم تعالو شوفو كروشنا كنها بطيخ خخخخخخخخخخخ والله قهر يوم رحت ازور اهلي بسورية السنة الماضية خواتي الكبار صايرات اصغر مني ومن اختي مع انه انا واختي اصغر شي بالعائلة وصارو يقلدون علي وعلى اختي بس انا من يوم رجعت ونا اسوي رجيم والحمدلله راح الكرش والشحم مني بس بعد ماسفرت شغالتي ورجعت انا اشتغل واسوي كلشي بنفسي والحمدلله رجعت رشيقة زي الفراشة

تابعت موضوعكم الشيق

والله عجبني كلام الاخت رابعة النهار احس ملمه بالذوق والثقافه في طرح كلامها وطبعا كثير من الاخوات ماعليهم قصور

احنا بعد في الكويت نشابه السعوديين والخليج عامه والكل يعرف مدى تقارب الشعبين السعودي والكويتي في كل شي

وحتى اختلاط الانساب في بعضها

اكثر ماطلعت عادات الاعشاب وتوارثها في النفاس او وقت الدوره هي من اهل الباديه ( البدو ) توارثوا هالعاادات الطيبه جدا

ونقلوها حتى الجيل الحالي

ومنو قال انها خرابيط؟ هذا علم بحد ذاته والناس قبل ماعندنا مستشفيات كل طبها من اعشاب و نباتات من صنع الخالق

اللي صنعه لا يمكن ان يقارن في صنع البشر مهما تطور فهوا ناقص

اهم شي في الاعشاب هوا ان الوحده تتبع نظام مدروس من وحده خبيره في طب الاعشاب

والله انا عندي جدتي والدة امي لا اهي خبيره ولا طبيبه لكنها خبييييييييره في حياتها

ودائما تنصحني حتى وانا بنت مو متزوجه تقولي عليج بالتمر والفلفل الاسود ... وعليج بالتمر والرشاد ( طبعا حب مو مطحون)

وماشاء الله خبرتها واسعه وكل خالاتي ..... متربين على ايدها واعمارهم بمنتصف الثلاثينات والاربعينات لكنهم مثل البنات

من العنايه ماشاء الله ولاحول ولاقوة الا بالله فلا تستغربون ... ! هذا شي متوارث وعادات وتقاليد نفتخر فيها

وبالعكس احلى مافي الخليج ...... العنايه المكثفه فترة النفاس .... يمكن العيب الوحيد اهوا قلة الحركه

لكن ماحب انا شخصيا ان الوالده تقوم تشتغل من اول اسبوع ! شدعوه تعذيب وبعدين اشلون ترتاح؟؟ لا المرأه لها حق ترتاح على الاقل اسبوعين فقط

وهذا رايي الخاص :) واستمتعت بكلامكم

الاعتدال حلو ومطلوووب

اشرب في نفاسي شاي الاعشاب .. البس دائما شراب وادفي نفسي .. اتمرخ ..

واكل اكل صحي .. في نفس الوقت .. اشرب مويا بكثره مادري ليه المويا ممنوعه عند بعض المجتمعات من المويا ؟؟؟

معروف فوائد المويا ياناس ..

اتحرك بهدوء .. وامارس تمارين كيجل ..

والحمدلله كله تمام وماعندي لا هوا ولا خرابيط .....

التحاميل والبخور والاشياء هذه ابتعد عنها لاني مااحب ادخل شي جوا والعب بالمنطقه الحساسه غير التحاميل حقت الالتهاب وغسول من برا فقطططط

يعني انا مو معا الاجانب اخرج من ثاني يوم واناقز ولاكني والده .. ولاني مع الافراط اللي عندنا ..

الاعتدال حلو ..


وسلامتكم

على فكره ,,,,,,,,,,,, انتوا تتوهمون ,,,,,,,,,,,,, سوو تمرين كيجل وبس والتحاميل للالتهابات ................ ولانفاس ولاخرابيط تدرون ليش ؟؟ لان احنا اهل الخليج اهل نظل وعيون حاره ومانحب الوحده تكون بخير صح والا لا ؟؟؟ عشان كذا يتصنعون المرض والتعب والخ الخ ............ المهم .وازواجنا من كثر ماايقرون خرابيط البنات قعدوا يركزون ,,,,,,,,,,
تخيلوا كل المنتدى يكتبون احنا شحلاتنا ومافينا شي وبياض ودلع ,,, حتى مشاركات زوجته بيصدقهااا

يلاااااااااا غيروا النظااااااااااااااااااام كامل :).............