$أوركيد$ :

[ اقول ياحوائيات لاتلفون ولا تدورن مافية وجة شبه بينا وبينهم احنا حتى الموضفة مكروفة في البيت وفي شغلها ولا فية لاتقدير ولا مراعاة حتى لوكان معها شغاله وربت البيت اللي موموظفة هذي مصيبتها اعضم >>طبعا هذي انا:35: لانها من تقوم الفجر وهي تكرف كرف العيال مايقومن من النوم الا بعد طلعة الروح وصياح يسمعونة اخربيت في الحارة ولا في بوادر رحمة او تعاون من اول اليوم صراخ.>>>توضو...صلو.... افطرو.. البسو ..انقلعو مدارسكم وفوق هذا مكشرين حتى صباح الخير ياماما مافيه والزوج يرن المنبة ساعة كاملة ولا كأنةيسمعة ينتظر المدام تترجاه يقوم وفوق هذا ماد البوز شبرين :mad:كأنا سارقين راتبة والدلع على اصولة ومستحيل يتكرم ويصلح كوب حليب والغداء مصيبة لوتأخر نص ساعة طبعا ياكل الأب وعيالة وياليتهم بس يغسلون ايدهم الا يتمددون والزفر واصل الكوع ومن سابع المستحيلات يشيلون شي هذا في الصعيد الاسري>>هههه حلوه داخلة مزاجي اما في الصعيد الاجتماعي فالاجنبية الاوربية واليابانية ماعندها حمولة لازم توجبهم وتحشمهم ولا عندها اخت زوج طالعة من النفاس ويبيلها عشوة محترمة>>أي عشاء مابعد الاربعين ولا بنت خال زوجها تزوجت ..ولا اتحسب حساب دورية الجيران كل ثلوث>>أي يوم الثلاثاء ولا عندهم كشتات بر ولا عندهم عزايم في استراحة ولا جوهم ضيوف مايقعدون يتفقدون اللوحات والطاولات يشوفون فيها غبار اولا ولاعندهم فطور وسحور في رمضان واحنا يالسعوديات نحب النضافة ولازم البيت مبخر ومعطر كل يوم مو من الاحد للاحد:mad: فالحرمة السعودية مو اتكالية الا ماتقصر بس لين متى تفني شبابها في شغل البيت وفي النهاية حالنا من حال امهاتنا خشونة في الركب واحتكاك في المفاصل وانزلاقات غضروفية كل هذي الامراض بسبب السناعة والذرابة والا الاجنبة عمرها70سنة وتتزلج وتلعب قولف وترقص بالية

[ اقول ياحوائيات لاتلفون ولا تدورن مافية وجة شبه بينا وبينهم احنا حتى الموضفة مكروفة في البيت...