كل الي تعرفت عليهم في بريطانيا ما عندهم شغالات
اهم شعب يعتمد على نفسه وطبعا المساعده بين افراد الاسره كبير وصغير
كنت اراقب جاراتي في بريطانيا الرجل والمراه في الحديقه يقلمون الاشجار ويزرعون ويرتبون كل شئ حتى اني كنت اغار من نشاطهم وكانت اغلب جاراتي ينظفون بيوتهم يوم الاحد بما انه عطله فترينها تفتح النوافذ وتمسحها من الداخل والخارج وتمسح البيت وترتب بس الاجانب حياتهم سهله وبيوتهم صغيره والجو عندهم يساعد لان مافيه غبره وكمان مافي عزام ولا ذبايح يعني حياه بسيطه اصعب شئ عندهم الاولاد لذالك تلاقين عندهم بيبي ستر

هدوء الليل.........
بيض الله وجهك ياشيخه
والله لو انتي عندي لاحب راسك
بردتي قلبي الله يبرد قلبك
وكلامك صحيح ميه ميه

مافيه اي مجال للمقارنه حنا صايرات طباخات ونجارات وسباكات وكل شي يخطر بالبال وننظف ونعلم ونذاكر للبزران وحتى اذا فيه شغاله يتشرطون ماتطبخ ماتسوي.....
وكل هذا وبالأخير نطلع اتكاليات هذا من غير الضيوف ومو اي ضيوف اللي يبلطون بالأيام

ولا هم وش عندهم؟؟؟
حتى بزرها اذا طفشت منه ودته لدي كير وراحت تسوق وتمشى وبرا البيت 24 ساعه ولاحنا ياحسرتي تقعدين الأسبوع كامل على امل تطلعين الخميس
معليش ردي ملخبط بس ابوضح انوه مافي مجال نقارن

كلام البنات صحيح على بالك الاطباق اشكال وانواع ولو فيه يوم سويتي واحد
قالو ايش ناكل والا من قال ان النظافه عندهم هم
عندهم بيبي ستر بالساعات وعندهم شركه تجي كل يومين على حسب الاتفاق
وكل واحد ياكل لوحده سندويج واللى يجي اول يهتم بالبيت والطفل

ولا لو واحده قالت لزوجهاا امسكه البيبي شوي قال والله ماني فاضي ماااعرف
واذا باعهاا مااشتغل عندك
اتخيل ان ازوجنااا يقوم يغير للبيبي وخليني نايمه والا يسويله رضاعه بالليل
ههههههه
اذا ما شاتني من الغرفه انا ويه

عندنا وعندهم خير بس الفرق
التعاون والذرابه في الاخلاق
لو سهرت المره عندهم مره قدسوهااا ورفعو من شانه انه ام مثاليه
واما احنا زين لسمعناا الله يعطيك العافيه
لان هذا واجبك وكل الحريم مثلك وانتي ماجبتي جديد


طبعا ماااعمم والله يرضى عن الجميع

هدوء الليل ردك رووعه
وصح اللسانك