الاجتماعات والمنكرات .. وش الحل ؟

الله يهدي الجميع..

اذا سافرتي خارج السعوديه وش تسوين ؟
التبرج والتعري بكل مكان والاغاني ترن بالمحلات والمنتزهات
بتسوين مثل ام سلك بتهجمين على الاسلاك تقطعينها لانهم ماسمعو كلامك واقتنعو فيه ؟
ذكرتيهم بالله جزاك الله خير الى هنا ينتهي دورك وانتي مخيره اما تجلسين او تطلعين او ماتحضرين بالمره هذا شي يخصك
المكان والناس لهم احترامهم والكل عنده ذنوب مافي احد خالي
واذا حسب كلامك حتى الشيلات اللي بدون موسيقى مستنكرتها ما ألومهم يقولون معقده ومتشدده اذا ماتحبين تسمعينها اتركيهم براحتهم
من باب أولى الانسان يخاف من سقطات وزلات وذنوب لسانه بالغيبه والنميمه والكذب وسوء الاخلاق
للاسف المحرمات بالنسبه للاغلبيه من النساء هي موسيقى اغاني نمص حواجب وعباية كتف وباقي الذنوب اللي ربي ساترها وماتنشاف بعيون البشر عادي وحلال !!


قال الإمام الشافعي : من وعظ أخاه سرا فقد نصحه وزانه ، ومن وعظه علانية فقد فضحه وشانه
ويقول :
تعمدني بنصحك في انفـرادي وجنبني النصيحة في الجماعة
فإن النصح بين الناس نـوع من التوبيخ لا أرضى استماعه
وإن خالفتني وعصيت قولـي فلا تجزع إذا لم تعط طاعـة

الله يهدي ويصلح الجميع

لا ماقصد الشيلات الي بدون موسيقى اقصد الي بموسيقى وردحه هم يفتحونها لاجل يرقصووون مو عشان يسمعون وبس اذا ماحضرت بصير قاطعه


الله يهدينا ويهدي الجميع

ماقد واجهت كذا
لكن اذ ماتعجبك لاتروحين

مو لازم جمعات،، مضيعةوقت ولافايده فيها حتى لو بدون موسيقى
صلة رحم لاهلك وسلام لاهل زوجك ساعتين يكفي والاقارب احضري مناسباتهم كواجب
ولاتجتمعي الا مع من تحبين وترتاحي له فقط