الاجهاض والكورتزون

السلام عليكم

خواتي انا عندي ابتلاء الاجهاض المتكرر 4 مرات حملت وسقطت ودايما بكون ببداية الشهر الثاني ..الحمد لله الذي لا يحمد على مكروه سواه

عملت كل انواع التحاليل انا وزوجي والحمد لله كل شي سليم مافي اي مشكلة للاجهاض

حتى احنا مو اقارب انه يكون عنا مشكلة وراثة او كروموسومات

رابع حمل الي اخدت كل انواع الادوية ابر كلكسان لتسييل الدم..هرمونات بروجسترون ..مثبتات دوفستون ..اسبرين ..فوليك اسد... بس للاسف كمان نزلت

الدكتورة كانت رافضة توصفلي الكورتزون وحكتلي بسبب تشوف للجنين... بس بعد ما طرحت اخر مره راحت استشارة دكتور متخصص بالامراض الوراثية حكالها اذا مافي مشكلة واضحه لسبب الاجهاض مو مشكلة تاخد كورتزون بنسبة معينه ووصفتلي اياه اخده قبل الحمل..


بس زوجي عرف انه بسبب تشوهات رفضه رفض قاااااااااااااطع.. راح سال صيادله وحكوله هدا بسبب تشوهات..وسال دكتورة حكت هدا الدوا ممنوع نوصفه بامر من وزارة الصحة.. وصحبيتي بتشتغل بمستشفى وكمان حكولها هدا الدوا ممنوع نوصفه للمراه الحامل بعمل تشوهات كبيرة

هلا مو عارفه شو اعمل وشو سبب الاجهاضات..كتيييييييييير خايفة او بالاصح مرعوبة اني ارجع احاول خصوصا اني ما عرفت السبب ومافي علاج جديد اخده

كيف اقنع زوجي بموضوع الكورتزون؟؟ وفي وحدة كانت تجهض وعن طريق الكورتزون زبط الحمل ..اجوكم اعتبروني اختكم تايه وخايفه ومرعوبة وما عندي حد اساله ..كل ما اتذكر اجهاضاتي وخصوصا اخر واحد بضل ابكي ابكي ابكي بليز ساعدوني واحكولي شو معلوماتكم عن الكورتزون

او شو ممكن يكون سبب الاجهاض