ياهلا و الله بوجودة

أعذريني على تأخري عليك ... كان و الله غصب عني ... خلص اشتراكي و يا الله لين جبت بطاقة و شغلتها من زحمة الأشغال عندي . و ترى مهوب تخلي عنك أبد ؟ لا تفكرين في هالشيء و لا يجي في بالك ..

شوفي يا غالية ... هدايا سعد الدين ما شفتها قبل .. بس فهمت الفكرة .. أنت تبين استكر صغير يضم صور تعبر عن المناسبة مثل الورود و الشموع أو ما شابه و عليهم كلمات معبرة سواء دعاء أو شعر أو خاطرة و هذي سهلة و ممكن أحط لك نماذج بس أول نختار الكلمات المناسبة و هذي شدي حيلك معاي فيها لأن و الله و الله ما عندي وقت أبحث في الكلمات

اختاري الكلمات و نبدأ بعد كذا بالتصميم .. و أنا في رأيي إنه أحلى الكلمات هو الدعاء اللي أوصانا الرسول صلى الله عليه و سلم عليه وهو " بارك الله لهما و بارك عليهما و جمع بينهما في خير " ... و بالنسبة للصور بلاش يكون فيها صور نساء خوفاً من الله و إلا إيش رأيك ؟ <<<<<< أكيد بتقولين هذي رازة نفسها و تتشرط ... لا و الله بس أنا حريصة دائماً على ما يرضي الله

و على فكرة ياوجودة سبق و سويت مثل هذي الكروت و طلعت حلوة مرة خصوصاً بعد أن تم طباعتها على الورق الشفاف و كذلك الورق العادي و تم ربط الاثنين بالقيطان الناعم الصغير و إضافة شيء من الورود الصغيرة جداً وشرائط الساتان على الورق العادي ووزعناها في شبكة واحدة من قريباتي

و كمان على فكرة ( ياكثر هالهرجة ) فيه موضوع أعتقد للأخت نيارة و هو ملف عن الهدايا فيه أفكار تهبل ...

المهم شوفي الكلمات اللي تبين يصير نبدأ بالكروت

أختك الأجودية

هلا اجوديتنااااا

اول شيئ اشكرك لتعاونك وثاني شيئ اعتذر لاني تو ارد

وهذا لاني تو انتبه :confused:

ومن ناحية العبارات انا ماعندي شي

ابي منكم

حتى التصاميم انا جالسة اصمم بس ابي افكاركم

وانتم انشاء الله ماتبخلون

وتسلميييييييين :05:

السلام عليكم و رحمة الله و بركاته

يا هلا و غلا بوجودة

حتى أنا و الله مابراسي من العبارات شيء .. و أفضل شيء مثل ما قلت لك دعاء الرسول عليه الصلاة و السلام

أنا عموماً راح أبدأ بالبطاقات بدون أي عبارات و أنزلها لك قريب إن شاء الله و أنت بما أنك فاهمة في الفوتوشوب راح تضيفين العبارات بعدين .. تمام

و أعتقد مناسبة زواج أفضل شيء نحط صورتعبر عن الحدث نفسه مثل الشموع و الورود و القلوب و الألماس و الجواهر و اللؤلؤ و الألعاب النارية يعني مثل هالأشياء تقريباً مع عبارات بسيطة مثل ألف مبروك و زواج سعيد و زواج مبارك

يا الله أنا أبي أبدأ إن شاء الله و منها نفتح ملف للبطاقات الخاصة بالمناسبات السعيدة في قسم الجرافيكس

السلام عليكم و رحمة الله و بركاته

وجودة هذي بطاقة تجربة عسى تعجبك و طبعاً مثلك عارفة إنه بإمكانك تغيير الألوان

وعلى فكرة هي رسم بالفوتوشوب ماعدا صور الورود أما الباقي القلوب و الشرائط فهي رسم



ها أنتظر رأيك ... أكمل و إلا بتقولين انثبري في بيتكم أحسن

هلا والله وغلا باجوديتنا

انشهد انك اسم على مسمى

اجودية :05: وماقصرتي والله

وهالشكل مررة روعة وحلوو

ما ادري والله وش اقولك بس جد ماقصرتي

والعبارات على قولتك الف مبروك ودعاء الرسول (صلى الله عليه وسلم) وكذا

والصور زي ماقلتي ورود والماسات وشغلات زي كذا

وعلى فكرة انا ما ابي اشكال كثيرة يعني إذا ماتقدرين تسوين اكثر ميخالف والله هذي تكفي وتوفي وانا اسوي الباقي

والله يقدرني على الخدمة :27: