الاحد رايحة دبي ايش اشتري...

هلا حبيبتي
انا لما اروح دبي اروح الستي وبرجمان اكثر شي لان فيه محلات حلوه وكل الي ابيه احصله
عندج ابن بطوطه وامارات مول بس اسعاااره غاليه لكن اشيائه حلوه وراقيه وعاد انتى وميزانيتج
انشاء الله اكون افدتج :)

اشتري عبايات مرة حلوة وكمان البخور والعود مرة جنان وزوري سوق الذهب وسوق نايف حق العبايات مرة رخيص

انا مو من دبي بس روحي الوافي حق الماركات
و برجمان و ابن بطوووطة
في محل حلووووو يبيع صناااديق روووووووووووعة حق المكياج مادري شسمه بس انشالله البنات يفيدونج و اذا كنتي تحبين الدوليات dolls البورسلان في روووووعة انشالله البنات يدلونج عليه

طيب وين نحصل شنط حلوه وراقيه واسعارها حلوة ؟ وفيه مجمع او بنايه معروفه حق العبي والشيل اسمها بوهيل اعتقد اشلون عنها ؟

عندج المركز الصيني كبير وايد فيه شنط حلوة منها ماركات تقليد بأسعار حلوة ومكان العبي كل مكان بتحصلين في المراكز بس غالية وعندج مركز بوهيل كلة عبي وشيل أسعار معقولة ولاتنسين تمرين المصانع إلي بعجمان فيها تنانير مال الماركات برمود وزارا وأشكال الدنيا أغلبيتها ماركات بس بأسعار أرخص وكل يومين تقريبا ينزلون أشياء جديدة وين وين بعد والله أماكن وايدة بس ما أذكر من كثرها صح إسئلي عن بخور فزاع وايد حلو جديد نازل بس فيه ناس يغشون ييبون تقليد فلايغشونج