الاحساس بالموت !

صباح الخير على جميلات عالم حواء
كلنا سمعنا أو قرئنا عن إن الميت يحس بموته قبل يموت بفترة ، فتكون له تصرفات ما ينتبهون عليها اللي حوله من اهل وزوج واحباب الا بعد موته ، يعني يقولون قبل يموت فلان غريبة سوى كذا والا راح سلم على اهل او قرايب او اخوان منقطع عنهم او أي تصرفات اخرى له.
سبب فتحي للموضوع هو سؤال جاني ع الواتس اب اليوم من احدى صديقاتي ، قالت لي ( أنا احس اني بموت قريب ) قلت لها لك طولة العمر يخليك ربي لعيالك وزوجك ، قالت لا انا قاعده اسوي اشياء غريبة وحاسة اني بموت قريب ، قلت لها انتي تعبانة فيك شي ؟ حلمتي بشيء ؟ حد قال لك شيء؟؟ قالت لا والله ، بس انا حاسة بهالشيء ، قلت لها لايكون اكتئاب او نقص فيتامين دال او شيء ثاني عادي كل البشر تجيهم اوقات يخافون من الموت ويحسبون انهم بيموتون قريب ، بعدين اللي يموتون يحسون بهالشيء بس ما يستوعبونه ، قالت مو كلهم لأن اخو حماتها قعد مع زوجته قبل يموت بيومين ووصاها على كذا شيء وقال لها بطلع الجمعه والسبت البر و ان مارجعت سوي اللي قلتلك ، وفعلا مات وهو رايح للبر بحادث .
السؤال الآن : هل فعلا الميت يلمح للي حوله ؟ هل فعلا فيه البعض يحسون بموتهم و يخبرون اللي حولهم عنه بصريح العبارة؟؟
هل تعرفون قصص لناس اخبروا اللي حولهم بأي طريقة كانت سواء تلميح او تصريح واضح انهم بيموتون وماتوا فعلا!!