والله شوفي في ناس يقولون لازم الواحد يحلم بعد الاستخاره
لا هي تحس براحه تحس بقبول وبس
والخوف هذا شي طبيعي لأنه قرار كبير مو شي هين تقدر تتخذه بسهوله
لكن ربي ييسر لك الاسباب والظروف اللي تخليك ترتاحين بإذن الله
وتخلي عنها التشائم تتعوذ من ابليس وتتفائل وتدعي ربها بالتوفيق

انا عن نفسي استخرت فوق 50 مرة بدون مبالغة لأننا مانعرف اهل المعرس

وكنت احس براحة يوم الشوفه حسيت بتوترفضيع وقبل مادخل جاتني دوخة ورجفه

وبكيت من كل قلبي والكل كان يضحك على بالهم خجل

بعد الشوفه بديت اتوتر بس قلت موافقة وتحدد كل شي وقبل الملكة بإسبوع اعتذرو اهل المعرس

واكتشفنا ان الولد الله يستر عليه مو تمام ابد ابد بالرغم الكل مدحه بس اكتشفنا انه حق سكار الله يهديه ويستر عليه

وربي عوضني الحمد الله

بنسبه لي كنت مرتااااااااااحه مرررررررررررره

بصراحه كنت اصلي كثيييييييييييييييييييييييير واقراء قرااان وخصوصا سورة البقره وقيام الليل
لاني كنت خايفه

بس لما جت امه وشافتني طاارت فيني مره وارتحت انا شوي
بعدين تحدد موعد الشوفه

وجلست طوول الليل ادعي انه اذا خير يكون لي وااذ شر يروح يارب
وصليت ونمت

وطول الوقت اقرا اية الكرسي واصتغفر ربي

المهم دخلت

طلعت حسيت براحه مرررررررررررررررررررررررررررررررررره

وكنت مبسسوطه بصراحه كان مره حبوب وخجول وسولف معي بس كنت ساكته

بس للاسف

لما سئلنا عليييييييه :(
طلع عمره 30سنه مو 25
وطلع صاااااااااااااااااااااايع مره:(
المهم طلع مو اوكي ابد:(

ورفضته

والاستخاره سبحان الله ماتكون لها دخل بالراحه
الاستخاره توكلين امرك لربك

وربي اذا مو زين يوخره عنك
وهذا الي صار معي كانو كل مره يجون هو وابوه ويحددون الملكه بس فجأه يطلع شي وكنت اتضايق
وبعدين يوم سئلنا اكثر واكثر طلع صايع عشان كذا سبحان الله ماتم شي الحمدلله



خليها تكثر صلاة الاستخاره وتدعي

انا بالنسبه لي انخطبت قبل زوجي ودخلت عليه وكنت مرره مرتاحه وحتى هو كان مرتاح وكلمنا بعض وكنا من احسن مايكون.. بس سبحان الله كل امورنا كانت واقفه.. كل ماحددنا موعد للزواج يتغير الموعد.. اما هو يتهاون او انا..اخر شي حددنا الموعد وحجزت كل شي وفجأه قالي خلينا نأجل,, بعدها استخرت ربي.. مرره المليون والحمدلله اتفقنا نفسخ الخطوبه.. وبعدها تقدم لي زوجي وبظرف 4 شهور تم كل شي وتزوجنا.. وصار هو نصيبي .. سبحان الله الاستخاره مو شرط تكون بس راحه ممكن انتي ترتاحين وهو يرتاح بس يصير اشياء كثيره تصعب الارتباط.. هذا يعني انه الموضوع مافيه خيره..

والله يوفق صاحبتك ويدلها للي فيه خير لها يارب