الاحساس في الشوفة

السلام عليكم
انا مخطوبة من 3 شهور و من دخلت للنظرة الشرعية مااا حسييت باي شي تجاه الرجال اللي قاعد قدامي
ما حسيت لا براحة و لا بنفور يعني عادي كأني قاعده اتكلم مع زميل لي في العمل حتى ما حسيت نفسي مستحية بالعكس انا اتكلم و هو مره مرتبك و يلخبط بالكلام و مستحي اكثر مني
المهم انا وافقت مع اني ما حسيت بشي لان سمعته زينه و مواصفاته كويسة بس للحين انا مو حاسه باي مشاعر تجاهه و ما اتخيله يكون زوجي يوم من الايام
هو الصراحة انا مو مقتنعه بشكلة مره خصوصا انه سمين و انا ابد ما احب السمنه بس في الشوفة ما حسيت بنفور من سمنته او انها لفتت نظري كثير
و الله اني دائما افكر و احس اني تسرعت بالموافقة و لا ادري ايش الصح و اخاف اني ما احبه بعدين وانفر منه و لا ابي افسخ الخطبة و اظلمه و اخاف انتظر لين الملكة و يصير فيه خساير مالية كبيرة من الطرفين عشان الزواج تبعاته و بيكون الانفصال اصعب بكثير
طلبتكم يالمتزوجات ترشدوني مين كانت نفس الشي مو حاسه لا بالراحة و لا بالنفور في الشوفه و هل تغير الاحساس بعدين وصار فيه حب او لا
و الله اني ما انا الليل من كثر التفكير في هالموضوع ياليت تساعدون