الاختلاف بينك وبين زوجك ، نقاش

بسم الله الرحمن الرحيم

السلام عليكم

كيفكم بنات ؟؟
صراحة انا ماليا في المقدمات ، بس حسالكم سؤال وحابة استفيد من خبرتكم بما اني مقبلة ع الزواج

انتي وزوجك الاختلاف بينكم ايش غير في حياتك
اوضحلكم مثال
انا وخطيبي *متملكين*
هو جداً طيب وحنون ، بس كمان جداً عصبي و على اتفه حاجة يتنرفز واذ تنرفز من سابع المستحيلات يرجع مزاجو زي اول ابداً حتى ممكن يقعد طول اليوم متنرفز مني بسبب اي حاجة
على العكس انا جداً باردة واعصابي زي مابيقولو تلاجة واحب استهبل كتير وهو يتنرفز احيانا بسبب استهبالي
بما اني نوعاً ما لسى صغيرة 18 سنة و الفرق بيني وبينو تقريبا 12 سنة كمان انو اخدين بعض عن حب
يعني انا رومنسية زي اغلب البنات وابغى زوجي كمان يكون رومنسي معايا ، هو بيحاول قد مايقدر يكون رومنسي معايا ويدلعني بس هوا بيعتبر انو دي الاشياء من التوافه وانو في حاجات اهم من الرومنسية و الحب

الحمدلله ماقد زعلني ولا قد صارت بيننا مشاكل ، بس انا ملاقية شوية صعوبة اني اتعامل معاه و مع الاختلافات اللي بيننا وانو عصبي دا الشي بيصعب عليا الموضوع كمان


المتزوجات فيدوني كيف اقدر اتعامل معاه ؟ مع الاختلافات اللي بيننا وصفاتنا المتناقضة
وهل دا شي افضل من انو تكون صفاتنا زي بعض؟