حدثت الأخطاء التالية عند الإرسال:
حلوة منذو مبطي إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.
اذا كنت تحاول ارسال الرسالة الى أعضاء متعددين، احذف حلوة منذو مبطي من الاعضاء الذين ادرجتهم لتلقي رسالتك حتى تتمكن من ارسال الرسالة.
هذا نص الرساله اللي ارسلتها لك بالكامل :
مرحبا حبيبتي
والله بالنسبه للطبخ تراه بسيط وسهل وممتع انتي حبي الطبخ بتشوفين نفسك تبدعين فيه واما بالنسبه الى انك كنتي شاطره وبعدين تغير طبخك يمكن توك تزوجتي قريب فاختلفت عليك المقاسات والكميات ...لأني انا اول ماتزوجت تعبت من جد طبخي خرب مع اني كنت ببيت اهلي اطبخ واتفنن بس صرت ما اعرف اسوي كميه صغيره يعني بس انا وزوجي تشوفين الرز مره معجن مره يابس مره ملحه عذاب كنه بحر ومرات ماسخ الى ان تعودت على المقاس الجديد وبديت اضبطه ومع السنين الحين رجعت للكميات الكبيره بعد ما زاد عددنا ههههههههههه انا وزوجي وعيالي الله يحفظهم المهم ...احسن طباخ بالعالم يغلط وممكن اكله يخرب وإذا انتي تتابعين فتافيت تعرفين جيمي اكيد توه الاسبوع اللي فات سوى طبق وخرب عليه وكبه بالزباله الله يديم النعمه وكمل الحلقه وهو متضايق يقووووووووووه
يعني لا يضيق صدرك انتي بس جربي وبإذن الله راح توصلين للنجوميه خخخخخخ
نجي للكبسه على حسب مقاسكم زي ما قلت قبل يعني انا بعطيك مقادير دجاجه وحده وانتي اما تضاعفين او تقللين اتفقنا
يالله بسم الله ..
اولا نظفي الدجاجه زين ونقعيه بشوي ملح وليمون عشان الزفره .
جهزي البصل تقريبا راسين صغار افرميهم وسط + 3فصوص ثوم مدقوق +تقريبا ربع رزمة كزبره مفرومه + طماطه كبيره او 2 صغار افرميها ناعم + بهارات صحيحه ( 4حبات هيل + 4 حبات مسمار + عود كبير قرفه ) + 2 مكعب ماجي + خلطة بهاراتك العاديه كل اللي عندك حطيه اذا ما عندك بهارات الطبخ المشكله كامل
يعني حطي( كمون كزبره ناشفه فلفل اسود ليمون اسودكركم رشة زنجبيل كله طبعا مسحوق اخلطيهم واستخدميه ) +صلصة طماطم معلبه + زيت + ماء مغلي + رز انا استخدم بنجابي المهيدب بشاور بسمتي تقريبا 3 اكواب مغ حق الحليب او الشاي وتقدرين تزيدين اذا حابه ..+ بطاطس تقريبا حبتين مقطوعه اربع اجزاء بس
الطريقه :
اولا سخني القدر وحطي فيه الزيت + ملعقة سمنة فارم تعطي ريحه تجنن للكبسه ثم اضيفي البهارات الصحيحه وقلبيها في الزيت ثم اضيفي البصل والثوم وذبليهم شوي واضيفي البهارات عليها والماجي والكزبره اخلطيهم شوي بعدين اضيفي الطماطم والصلصة حسب وغمقي او فتحي اللون حسب رغبتك ..اغسلي الدجاجه من الليمون واضيفيها على الكشنه وقلبيها شوي وغطيها لين يطلع مايها على نار وسط ثم اضيفي لها الماء المغلي لين يغطي الدجاج واتركيها على النار تقريبا نص ساعه او اكثر شوي يعني تنضج الدجاجه والنار وسط مو عاليه عشان لا يتبخر مايك لا تنسين الملح تذوقينه اما البطاطس فتحطينه بعد مايمر ربع ساعه من حطيتي الدجاجه وخليه يستوي معها ..طبعا قبل هالوقت تكونين غسلتي الرز ونقعتيه بماء دافئ مو حار ...الحين شيلي الدجاجه والبطاطس وحطيهم بصينيه الفرن ودخليها عشان تتحمر هي ناضجه بس تتحمر على نار قويه بالفرن واذا تبينها تلمع ادهنيها بالفرشاة بشوي زيت ولا تنسين البطاطس ...وذوقي المرقه تحتاج ملح او زينه ثم صفي الرز وحطيه على المرق ولازم يكون المرق يغطي الرز بحوالي 2سم على الاقل عشان يطلع رزك مفلفل وحبه حبه ...عشان تعرفين المقاس صح او لا حطي معلقه وسط الرز اذا طاحت يعني مويتك كثيره شيلي منها وإذا ركزت الملعقه يعني مستوى الماي زين ..اولا قوي النار لين تشوفين ثلاث ارباع الماي نشف بعدين اذا حسيتيه يحتاج ماي يعني لسه الرز يابس زيديه رشة ماء يعني بيدك بخيه بخ ..( <<< ما ادري من وين تجيب هالمصطلحات خخخخخ ) هالوقت اذا تحبين الفلفل ركزي كم حبه بالرز وادفنيهم وبعدين غطيه بالقصدير وحطيه على نار هاديه جدا ةيكون تحت القدر الحديده وغطيه بفوطه اذا حبيتي وانتبهي ارفعي اطرافها لا تنحرق ..وتقريبا ربع ساعه وشمي الريحه اللي تقطع القلب ...بتكون دجاجتك تحمرت اغرفيه وبالعافيه وادعي لي لا تنسين ....:cook:
بالنسبه للحشوه اللي على الوجه ..عباره عن
بصل تحمسينه بشوي زين مع ثوم خلي كمية البصل كثيره شوي ..وكزبره بعدين حطي مكعب واحد ماجي مع بهاراتك المشكله + ملعقه وحده صلصة طماط وحركيه شويه بعدين اضيفي لها صنوبر + لوز محمصتهم بشوي زيت سابقا بس وقفلي النار عليهم ولين صار وقت التقديم وغرفتي الرز حطي تقريبا مغرفه صغيره من الرز على الحشوه وقلبيهم وبعدين زيني فيهم وجه الرز وحطي الدجاج فوق ..والبطاطس ...وممكن تزيدين اذا تحبين البصل المقلي زي حق الكشري وسلامتك يا حبيبتي ...ما اتصور فيه زي هالتفصيل وبشريني فديتك اذا سويتيها كيف صارت ..
اتمنى تشوفين الموضوع حبيبتي وتطبقينه :26: