اخت سمو الروح تسلمي على لطفك ... بارك الله فيك ... انا بصراحة فكرة السيراميك عندي فيها اشياء حلوة لكن الخلطة ما بعرفها اصلا لا تستغربي
شغلي اصلا بالنسبة الي عشان تعرفي لسا مو الي بشرح عنو
شغلي في الخشب كتير لكن ما بدخلكو فيه لانو تخصصي جدا وما بتقدروا عليه لانو خطر ومتعب
كنت حابب اعطيكو معلومات لكن شو حتستفيدو منها؟ معلومات ماشي مهمة لكن اكيد مو راح تشتغلو هذا الشغل
عشان هيك لو تشوفي كيف بكون موزع حالي على 10 اعمال مختلفة بنفس الوقت بتشفقي علي
هاي العجينات كلها تقريبا ما بعرف فيها ما جربتها عندي اعمال مختلفة تماما وان كانت بتندرج تحت الاعمال الفنية
وانا بركز معكو على البراويز لاني بقول بتقدروا عليها وبتستفيدوا
وبدي ابدا شوي شوي في الدروع لكن ما تفكري سهل اني اعطيكو بدائل سهلة على المراة تعملها
عشان هيك انا بدي اعرف من الصفر بعض الامور الي بتعرفوها ... عندي حب ادخل في العمل افكار منوعة وجديدة ... وما يكون العمل تقليدي
وبالنسبة للذوق ان شاء الله اني بعجبك بالتفكير بالقطعة بقدر عن جد ابتكر اشياء ... لاني احيانا حتى قبل المل بفكر شو بدي اعمل ساعات واحيانا بكتب على ورقة خطوات العمل واحيانا برسم سكتشات للعمل الي بدي اياه ...
فذا عندك اشياء تفيديني فيها بكون جد شاكر جدا الك لاني حستفيد ان شاء الله ما بكون بس حكي...ولا تستقلي اي معلومة ... هاي عادتي
احيانا بمر على نجار بكون عادي جدا بشغلو لكن بتامل في شغلو جيدا عشان اشوف اشي عندو مو عندي
ربنا يجزيك كل خير يا رب

على ذكر شغل الخشب والنجارة اول ما خلصت تصميم الازياء فكرت اهمل نجارة هههههههههههههه

جد احكي كنت اموووووووووت على الارابيسك ونقش الخشيب اليدوي

وربي اتفاهمت مع زوج خالتي عنده ورشة اتعلم عنده يوم قلتها لي امي وربي فضحتني

شوي وتنشرني في الصحيفة بتحكيلي بنت انت ما بتتهدي ايش هذا من تصميم الازياء الى النجارة

هذا اللي كان ناقص انك تجيني جيوبك مسامير وريحتك غري وكلك نشارة الخشب

على ذكر نشارة الخشب اليوم وانا اكلم روعة الاخلاق قالتي عن عجينة تعمل من نشارة الخشب الناعمة والغراء

بطلب منها توضح لنا الموضوع اكثر وياريت اذا في صور للنتيجة نشوفها

والله حابة اشوف اعمالك الثانية الفنية وايضا النجارة

اما العجائن راح احط موضوع عنها قريب وتشوفها كلها واحط ايش مميزات كل نوع

صح في عجينة كمان كثير يشاغلون فيها البنات وهي عجينة الورق وهذه اشوفها اقتصادية

اما عن الاشياء اللي افيدك فيها خليني اجمعلك شوية افكار

لا تنسى ابغى اشوف اعمال النجارة

تصدق من جيت السعودية خاطري في رفوف اعملها لديزاين من عندي النجار يشتغل بس الشكل بالخشب والباقي علي

ملقيت لسه

واللي هنا في خدمات اخياء السكن ماعجبني شغلهم

ماقلتلي شو رئيك باللصورة

ما شاء الله عنك اخت سمو الروح .... حلو الانسان يكون طموح ... هيك الواحد بتعلم ... بالنسبة لنشارة الخشب والغرا... احنا بنستخدمها لشغل الخشب نفسو حتى نسد مسامات الاعمال الي فيها زوايا ومع القص حصل فيها فراغات ... وكل نجارة مع نفس نوع الخشي... مثلا نجارة خشب mdf الخشب المضغوط المحسن .. بسد فيها نفس فراغات الخشب من نفس النوع وهكذا
لكن ما جربت فيها تشكيلات معينة ... ومن يدري ربما مع التجريب يطلع منها شغلات حلوة
انا في النجارة بسوي مناظر معتقة ودروعه ومصاحف تحف .. وأـكواخ معتقة لتنيقات الاورد .. وهكذا ... حتى الخشب عالم كبير ... انا لساتني على شاطئو .. ماشي اذا مهتمة بالخشب رح افرجيكي اعمال فنية ممكن تعملها الاخوات لو راحو على نجار وهم يضيفون أذواقهم وابتكاراتهم ... واتظري اول عمل ناوي أعملو نافورة ان شاء الله ادخل فيها عدة أفكار ... يعني افكار بالجملة .. هههههه
وكان عندي فكرة اخت سمو الروح ...
خطرت ببالي لما اخت دنيا الذوق علقت على الاباجورة .. ونصحتني بدراسة تنسيق الورد
ليش ما نعمل اعمال مشتركة؟؟؟؟
مثلا .. اعمل منظر خشبي وادهنو واعرضو عليك لاقتراحات الرسم والتلوين .. وممكن نضيف مثلا تنسيقة ورد فنعرضو على دنيا الذوق بصير عمل مشترك من عدة فنانين ... ( أنا مو منهم ... متطفل على الفن ) ما رايك بهاي الفكرة .؟؟؟ بطلع العمل متقن ومدروس وفي ابتكار وابداع

من ناحية مهتمة مو بس مهتمة ادس انفي في كل شيء ههههههههههههههههههههه

تصدق اول مرة شفت برواز بورود السيراميك كان جاي من مدينة غير مدينتي قلتام بالبيت اسافر اتعلم كلها ساعتين روحة ورجعة

والله اتمنى اشوف اعمالك كلها حتى لو كانت اشياء صعبة مانقدر نعملها على الاقل نستمتع بمشاهدتها

فكرتك كثير حلوة والله ودنيا الذوق عندها حق التنسيق يلعب دور كبير سواء كان من ناحية الشكل الالوان وكل شيء

ابتدي ونحن معك ان شاء الله وربنا يوفق الجميع

حلو التوقيت هذا الناس اجازة وخصوصا دنيا تكون علصت دراستها الله يوفقها

يعني نكون فاضيين ومسنطرين