الاخت( ياعيونه) نرجو منك التوضيح؟؟؟؟؟؟

السلام عليكم ورحمه الله وبركااااااااته

معليش عالموضوع هذا بس ماادري وش قصه الاخت (ياعيونه ) قبل فترة قريت لها موضوع وتفاعلت معها كثير كثير وحزنت لها وربي العالم وموضوعها كان......

قلت له مره وش عندك تجلس معها في الملحق وش هالأسرار اللي ماتبونا نسمعها
وعطاني ذيك النظره قال اختي الكبيره وبحسبة أمي حاسدتها على كم ساعه تقضيها معي
قلت لاوالله موحاسدتها بس استغربت
من قال بحسبة أمي غسلت يدي منه لأني تأكدت انه يسمع كلامها بقوووة ويصغي لها
وبيوم صارت مشكلة بين أم فهد واختها اللي عمرها 19 سنه بيطلعون لمخيم مع خالاتهم وتهاوشوا على موضوع تافه وتلاسنوا مع بعض وعمتي ام ناصر وقفت مع ام فهد لأنها الكبيره وعيب على الثانيه تغلط على اختها الكبيره وجلست الصغيره في البيت زعلانه..انا كنت بجناحي وموعارفه عن شئ وقالي ناصر ان اهله طالعين مخيم وطلع وقال انه بيرجع بعد ساعه
أول ماطلع من عندي طقت البنت الباب وفتحت لها وطاحت في حضني تبكي هديتها وجلستها عندي
قالت اخاف يجي ناصر
قلت وإذا جاء عادي ماعليك منه
قالت لا مابي أضيق عليك وزوجك عندك
قلت لاتخافين إذا جاء بستأذنه أنزل تحت معك أو نروح لغرفتك
وتجلس تبكي وتشكي من أختها ام فهد ووقفت امها ضدها
قلت ماعليه حبيبتي هذي اختك الكبيره وش تسوين تحمليها..قالت انا ماغلطت عليها بشئ كبير وتبكي
قلت ادري ماغلطتي يمكن هي عندها ضغوط أوشئ خلاص وسعي صدرك
ومسحت دموعها بأصابعي لأني والله أحبها هي وخواتها اللي عندي في البيت مثل خواتي.. أنا مرره متعلقه بخواتي ويوم تزوجت حسيت ان خوات ناصر اللي معي في البيت هم خواتي ..وبرضو هم بادلوني نفس الحب والإحترام...يوم مسحت دموعها بكت ودخل ناصر وأنا حاضنتها وأهديها قال أووووه فلم هندي وطلع تركنا
ضحكنا من حركته قالت والله انك خساره عند اخوي تستاهلين واحد احسن منه
قلت وانا مابي إلا اخوك وبعدين ليش خساره حرام عليك قالت عصبي مررره
قلت عصبي مع اللي يعانده
قالت انتي طيبه مره وتدورين للكل اعذار تدافعين عن اختي ام فهد وهي تكرهك تدرين انها جالسه تحرض ناصر عليك
قلت إذا هويسمع لها فالخطأ منه مومنها>>>كنت أقولها كذا مجامله وإلا من داخلي مقهووورة وابيها تكمل
قالت تدرين إذا تكلمنا بالطبخ وقال فلانه سوت لي
تمد أم فهد لسانها وتقول سوت لي!! ماسوت شئ ترى الحريم يسوون أكثر وتجلس تألف له مجلدات عن نفسها وهي كذابه وتدرين مره سمعتها تعبي راسه انك مفشلتنا عند الناس لأن شعرك طويل واسود وتراها مقهورة والله أنها جالسه تهتم في شعرها تبيه يطول وأكثر من وحده تمدح شعرك عندها >>>أول ماقالت كذا تذكرت ناصر جالس له فتره يحن ويزن يبيني أقص شعري واصبغه مع ان شرطه كان بالعروس ان شعرها اسود طويل
وكان شعري معجبه مره وفجأه تغير مزاجه
طلعت من عندي البنت وجلست أبكي من القهر مقهورة من زوجي وتصرفاته أخذت جوالي دقيت على نوف
وبعد السلام سألتني وش فيك
ناصر تغير
قلت لج هاي السوسه تعبي راسه عليج ماصدقتيني وريلج للأسف ضعيف وتسحب السوالف منه وانا مره احرجتها قلت لها مسرع الريال توه معرس أمداه يحش بعروسه على فكره هاي واصله معه حتى لسوالف عن الفراش تبي توصله أنج ولاشئ وانه أنظلم وأنه ماعاش حياته يوم اختارج عروس له بس وكلي أمرج لله سبحانه وأدعي علييييييج بالدعاء
سكرت منها وانا تعبانه نفسيا" مررره
أذكر ذيك الليلة جلست أتأمل في ناصر وهويسألني وش فيك خاطرك ماش الليلة متضايقه
قلت انت تحبني وراضي عني؟
ضحك قال بالله هذا سؤال أكيد أحبك وراضي عنك تمام الرضى..
في يوم خميس كنت صايمه قال لي لاتسوين فطور ترى فطورك علي
جهزت لي قهوة وحلا بجناحي وأول ماأذن كان ناصر عندي مبتسم ويقول بسرعه بسرعه أدعي لي
قلت طيب طيب ههه
نزل يصلي المغرب ورجع كان واضح معصب قال انا بطلع ولاتنتظريني جهزي لك فطور
بعدين قال وين شماغي اللي كان هنا
قلت غسلته وفيه غيره
وصرخ علي قال ذابحتك النظافه ليش ماسألتيني قبل تغسلينه كنت بلبسه ووو
وطلع من عندي وجلست أبكي وبعد نص ساعه دقيت عليه
قال نعم وش فيك تبكين؟,,قلت ناصر انا موزعلانه عشان فطور لأن المطبخ مليان من كل شئ الحمدلله
وانا صادقه هوكل شهر يدخلني بنده ناخذ كل اللي نحتاجه واي شئ ابيه أطبخه بجناحي,,قلت انا زعلانه من اسلوبك وصراخك اللي ماكان له داعي وانت يارجال تحط خطوط حمراء لحياتنا مايتعداها أحد لا من أهلك ولاغيرهم يارجال ودني اهلي لأنك انسان تنزل من عندي راضي ومبسوط وترجع لي بوجه ثاني,,قال من تقصدين,,قلت ماغيرها اختك,,سكر الخط
وبعد دقايق دخل عندي انتي وانتي ماتستحين تطولين لسانك علي ماتحترميني ويصارخ وانا ساكته
دخلت أمه قالت خير وش فيك على بنيتي
قال هذي انسانه مريضه صايمه الهانم وعشان ماجبت لها فطور قالت انت تنزل راضي وتطلع لي بوجه ثاني
قلت لاياعمتي موكذا الموضوع
قال تكذبيني
قالت عمتي خلاص تعوذوا من الشيطان
طلع ناصر وأنا كنت أبكي
قالت وش فيكم وش اللي مضايقك ليش قلتي يرجع بوجه ثاني
قلت ينزل ياعمتي راضي ومبسوط معي ويرجع لي زعلان وكأني غلطانه بحقه ومن غيرها ام فهد اكيد تحرضه
قالت لاام فهد تحب اخوها ووووو وانتي تعوذي من الشيطان يمكن الرجال متضايق من شئ وناصر ولدي واعرفه يعصب شوي ويهجد
ونزلت من عندي وبعد دقايق إلا وام فهد داخله ومدرعمه ولسانها مايفرق عن لسان ناصر إذا عصب وصوتها يلعلع انتي ماتستحين تبين تفرقين بيني وبين اخوي وتحرضين أمي علي
وامها كانت تسحبها وتمسك راسه وتقول فشلتينا مع بنت الناس واختها اللي عمرها 19 دخلت ووقفت بيني وبينها وتكلمت على ام فهد قالت ايييييه انتي اللي تحرضين ناصر عليها لاتنكرين
قالت ام فهد شفتي يمه هذي الحـ..هي اللي تعبي راسها علينا
ويتماسكون وأمهم تحاول تفرقهم أنا خلاص رجليني كانت تصافق في بعض أول مره أشوف هوشات كذا
وتجلس عمتي تبكي ويطلعون من غرفتي وام فهد تقول والله ياحبيبتي موذنبي إذا زوجك ماحبك وإلا أنتي ماقدرتي تحتوينه
جلست أبكي منهاره من كلامها حسيتها اهانتني بمجرد دخولها علي وصراخها ومنهاره لأني شفت عمتي ام ناصر تبكي
دقيت على ناصر وانا معصصصصبه قلت أنت ويييينك
قال بسم الله وش فيك
قلت تعال ودني اهلي أنا أكرهك أكرهك وبكيت
قال وأنا أحبك
وسكرت الخط وجمعت ملابسي وكتب الجامعه
ودخل ناصر قال أفا على وين
قلت ناصر خلاص أرجوك انا واصله حدي
جلس على السرير قال تعوذي من الشيطان يابنت الحلال لاتفشلينا مع أهلك
وأنا ساكته ماأرد عليه
قال وش فيه حظي طايح
قلت أختك اهانتني وكله منك
قال وانا وش دخلني تبيني أروح لاختي أجلدها أقول ليش على زوجتي أنتم حريم وبينكم ليش ماأهنتيها يوم اهانتك اللي تطول لسانها عليك طولي لسانك عليها ولك علي ماأجي أحاسبك,,ويحب راسي ويعتذر وأوعدك اللي صار مايتكرر ومدري ايش واليوم الثاني يجيب لي تعليقه ذهب لكن جلوسي موبسبب اعتذاره جلست لأني فكرت في أبوي كان تعبان وماراح يتحمل مشاكلي وبيعوره قلبه علي لوحس أني مومرتاحه
بعد اللي صار بأسبوع قالي ناصر أننا بنسافر لشرقيه
مع اهله واهل عمه وعماته,,كنت عارفه انه من تخطيط ام فهد لأن السفره واااضح تخطيط حريم
قلت لا مابي أروح وماله داعي وبعدين نروح لحالنا
لكن أصر على السفر قال أمي وخواتي بيروحون مع أخوي الصغير لازم أمشي معه بنكون أنا وأنتي بسيارة وهم ورانا وأهل عمي مع أخوهم(صديقه) وعماتي وبناتهم مع سواق برضو معنا,,قال اتمنى تروحين معي لأني مابي احراج معهم بيسألوني زوجتك وين وليش ماجات معك
جلست اسبوع ماأنام شايله هم السفره لأني ماأحب هالناس مابي أروح وأن جلست بحترق لحالي
أنا بالعافيه أتحملهم ساعتين كيف سفره نطلع مع بعض ونجلس مع بعض,,جلست أدعي بكل وقت أن الله يصبرني ويرحمني,,
بنات بسوي تعديل هنا الليلة وإذا ماضبط تعديل فإنتظروني إلى بكره بمشاركه جديده وإذا أرسلت وحده من الأخوات أدخل بإسمها فبيكون الليلة أن شاءالله أنزل لكم الباقي لكن أياني وأياكم تقلبوه شات
..................................................................................
..................................................................................
وبعد كذا كتبتي موضوع استشارة وانقهرررررررررررررررت بقوة من المووضوع لما شفت الموضوع هذا
دخل بالموضوع
سلمكم الله انا متملكه بعد قصة حب استمرت 3 سنين وتملكت قبل اسبوع وبعد اسبوعين زواجي>>>ياساتر
أدعولي الله يتمم لي ويسعدنا مع بعض
كنت أدردش مع وهويحب شئ اسمه بر
وكان كل تاريخ 13 يروح للبر يقول أشوفك في القمر>>>لاياشيخه
وأنا أكون صايمه الأيام البيض وأدعي أن ربي يجمعنا
ماتلاحظون أني جلست أسرد قصة حياتي وتركت الموضوع الرئيسي
ايوه ومره أسولف معه وكنت أنا أفكر أقول بقوله يوديني للبر ليلة زواجنا خخخخخخ وربي استهبال أو حب تغيير أويمكن احساس كذا ابي اكون معه بأرض الله الواسعه>>>أجل بيتكم وين
وفجأة جاب طاري البر ومزح معي قال ترى بوديك ليلة الدخله للبر
قلت عادي جدا انا كنت ناويه أقولك
قال قسم بالله أوديك إذا موافقه وكنتي عند كلمتك
قلت اي قسم بالله موافقه عادي
وحسيته وده يتراجع بس كمل الموضوع عشاني
قال ابشري لعيونك والله لأوديك أولا باخذك للبيت تغيرين ملابسك وعلى طول ندعس للبر
واليوم الثاني كنا نسولف بشهر العسل
قال أول ليلة عرفنا للبر و..و...
انا مبسوطه لأن ليلتنا غير خخخخخخ>>>هبلا
طبعا سر ماراح نخبر أحد فيه غيركم هههه
لكن الحين تورطت وش ألبس إذا نزلت الفستان وغسلت مكياجي عشان أطلع للبر بنطلون تنورة قميص>>>أحلفي بس
هو قالي بنجلس فيه إلى الفجر ونرجع لبيتنا
هاه علموني وش ألبس؟؟
اخاف ألبس بنطلون ينقد علي وإلا عادي
أخاف ألبس تنورة أحس شكلي يضحك
ألبس قميص لاااا صرت عجوز
ألحقوا علي وش ألبس؟؟؟؟؟؟؟؟؟؟
وتحملوني أسألتي كثيرة وخايفه من الزواج
اللي عطوني رايهم باللبس فديتكم والله كنت محتاره قررت ألبس بنطلون وإذا وصلت بترك عباتي إذا قال نزليها بنزلها أكيد بيقول نزليها خخخخ
وبعد ماأرجع بلبس قميص طقم ليلة الدخله
بنات اللي عارضوا فكرة البر صدقوني أنا أحسها حلوه أحلا من الفندق والبيت وراضيه بهذي الفكره خاصة أني باخذ عليه أكثر وبتكون ليلتنا ضحك ووناسه أن شاءالله
غير كذا ذكرياتها بترسخ في البال
وبالنسبه للأكل هوبيجهز ترمس القهوة والشاي والعصيرات والحلويات والبطاطس وبناخذ عشى خفيف طبعا بناخذ الأشياء المهمه مثل الماء
وعلى طاري كشختي أكيد بيكون الشعر مسدول وبحط مكياج خفيف والبنطلون حلو على جسمي
وبالنسبه للغبار بالعكس الجو الحين من بعد الساعه 12 روعه خاصة الآن بدا يضبط فما بالكم بعد اسبوعين
طيب سؤال هويقولي من بين السوالف انا ماحب البنت الجريئه أحب الخجوله واللي تستحي وش رايكم أشري قمصان قصيره فوق الركبه وإلا اهجد؟؟ أحسه يحب العكس مع ان والله ماسبق ان تكلم عن اللبس
بنات اللي معارضه فكرة البنطلون تقولي.. أبي نصايح.. وتكفون لاحد يرسلي على الخاص لأن المعرف مو لي وماراح أدخل الرسايل وأوعدكم أقرا ردودكم وحده وحده
حضرميـهـ أوعدك بإذن الله عز وجل إذا تمم لي الله وطلعنا للبر أنزل موضوع أخبركم..بس أدعي لي زواجي بعد اسبوعين
صراحه اللي يقولون بتندمين خوفتوني والله أحساسي يقول انه احلا من الفندق والبيت والرسميات والروتين المعروف خخخخ
أنتظر أرائكم في طلعتي أروح وإلا ماروح
............................................................................................
...........................................................................................
وبعد كذا حطيتي موضوع
السلام عليكم..كيفكم حبيباتي:)

البعض منكم اللي قرأ قصتي (زوجي وأخته وخيانته لي)
عاارف وضعي,,بإختصار حالتي الإجتماعيه مطلقه مرتين
وكملت سنة على طلاقي
وشايله فكرة الرجوع لطليقي,, نفسيا مومتقبله أرجع له بعد اللي صار
وعارفه شخصيته لورجعت بتتكرر المشاكل وتدخلات أخته
وبصراحه كرهت عائلتهم ومشاكلهم,,
في الشهور الاخيره تقدم لي أكثر من شخص اللي متزوج واللي مطلق
ولاحصل نصيب والحمدلله على كل حال
وصراحه ولامره بيني وبين نفسي فكرت بشاب لم يسبق له الزواج
وتفاجأت ان واحد يقرب لنا تقدم لي
شاب ماسبق له الزواج ملتحي طيب محافظ على صلاته
يقرب لي مررره ,,عنده أخت وحده
أخته الوحيده متزوجه مين؟؟؟
متزوجه طليقي الأول:09:
وش رايكم يابنات؟؟
الرجال ماعليه كلام أبد
بس نقطة اني مطلقه مرتين وهوماسبق له الزواج مخوفتني
ليش؟ ماأدري:icon33:
يمكن خايفه من نظرته لي بعد الزواج أو يغير أفكاره ويقول ليش تزوجتها
والنقطة الثانيه أن نسيبه أي زوج اخته يصير طليقي:icon33:
أخاف بعدين كل مايشوفه يعصب ويكرهني أويجي في خاطره شئ تعرفون الرجاجيل:09:
مع العلم أن أخته وزوجها في منطقه ثانيه ولايجون إلا في السنة مره
بتسألوني عن أخته
أخته يوم تزوجت طليقي كان عمرها فوق الثلاثين ويقولون مومرتاحه معه بس صابره ومتمسكه فيه والله رزقها منه بنونو
ومن النوع الهادي بس مدري عنها وأول زواجها كل ماجلست مع حريم ماسبق ان شافوني تكلم فيني بأني موحلوه وهي أحلا مني خخخ
لكن مومن النوع اللي هي وأخوانها يتدخلون بحياة بعض
شو رايكم أنا أستخرت ودعيت بس متردده من النقاط اللي قلتها
أوافق وإلا أرفض

لا ماعندي أطفال
شموووخ لامستحيل عشان تفتك مني لأن مافيه أمل نرجع لبعض انا وزوجها يكرهني وأكرهه
وأساسا ماأخذ رايها بخطبته لي ولاعرفت إلا من الناس





يعني بأختصار انتي اي وحده فيهم الموضوع الاول او الموضوع الثاني او الثالث

لو سمحتو ارجو التوضيح لاني مو فاهمه شي
:mad: