وردة يانعة :

عن تجربه لا تطلع الكلمه من فمك قبل لا تحسبينها في عقلك ألف مره وياليت ماتقولينها أفضل من قولها وبعدين يجي التحسف... وانا بقولكم موقفي علشان تعرفون ليش قلت هالكلام وعشان ماأوحده فيكم تغلط مثلي على أني والله ماغلطت وأنتو بتحكمون...طولت الهرج معليه لانه في صالحكن ..ان شالله الزبده اول زواجي مسافرين شهر العسل بره المملكه في شرق آسيا المهم وأحنا نسولف في الفندق قالي أن الشبكه اللي قدمها لي أيام الملكه ماكان يبي يقدمها من الأساس ليش؟؟ الأخ يقول هذي حركات الشاميين مش حركاتنا...(مع العلم ان كثير منا يسويها عادي) ويقول أنه قدمها لي بعد ما أخته الصغيره أصرت عليه يقدمها حتى لو جمعت مصروفها وشرت هي الشبكه بعدها أضطريت أشتريها وأقدمها... المهم أنا بكل تلقائية قلت: ليه هذا بخل ... المهم... بعد فتره طويله كلما صارت مشكله بيني وبينه يذكرني بكلامي ويقول: انا بخيل شلون تقولين هذا الكلام وانا مسفرك وحاجز لنا في فنادق 5 نجوم و 4 ننجوم وتقولين هالكلام... ويقعد كل شوي يذكرني ويهاوش ويقلب الدنيا فوق تحت ... يقول هو عن نفسه حساس واذا تكلم معي وعصب يتكلم علي بصوت عالي ويذكرني بكل صغيره وكبيره في حياتنا ومن بينها هالسالفه... واللي ترتب عليها مايعطيني مصروف حالي حال الحريم.... الشكوى لله لا تطيحون مثلي هاه تراني نبهتكم وأنتو بكيفكم بس أدعولي أن الله يرفع عني كربتي انا بحاجه للدعاء

عن تجربه لا تطلع الكلمه من فمك قبل لا تحسبينها في عقلك ألف مره وياليت ماتقولينها أفضل من قولها...