ام مشاري1323 :

انا الحمد لله لم تكن لي اي صله مع زوجي قبل الدخله حتى اني ماأعرف شكله لما رحنا لشهر العسل اول شي رحنا للمسجد النبوي بالمدينه كبداية لشهر العسل ودخلني مكان الحريم وراح مكان الرجال واتفقنا عند بوابه نلتقي وبعد ماخلصت الصلاة طلعت عند البوابه ولما طلعت الرجال ايش كثرهم واشكال والوان وانا اذكر فقط طوله وان له عوارض وبس لاكن ماأعرف اميزه مع كثره الرجال صراحه كرهت نفسي لحظتها توقعت ان منيتي رايح تجيني وانا ضايعه هنا لاني ماأعرفه ولاكن الحمدلله ان عبايتي كانت مميزه وعرفني فيها يوم طلعنا مره ثانيه قالي البسي نفس العبايه لاني ماأعرفك الا فيها طلع بعد زيي واقع في نفس المشكله لاكن انه عرف لون العبايه قصة حياتي هههههههه لاكن اني الحمدلله تعاملت معه من البدايه بحذر ولا أكثر معه هذره ولا اسولفله الا عن نفسي وماضيي بس والحمدلله ماضيي كله مشرف بشهاده الكل (تمدح نفسها) لاكن اكيد لو عندي غلطات مارايح اذكرها علشان مايعايرني فيها بعدين اهله انا دايم اتعامل معاهم رسمي وانافي منطقه بعده عنهم من مايساعدني اكثر وحتى هدايها ما هدايا ماأكثر منها فقط بالمناسبات حتى يوم رحنا شهر العسل بعد مارجعت ماشريت لهم هدايا لاني ماأعرفهم ولا أعرف انطباعهم ايش اللقافه والتلزق(ثقيله) لاكن اكيد تبون تقولون من وين لك كل هلمعومات مع اني اكبر اخواتي ؟ انا صراحه تعلمت كثير من حياة امي المسكينه عماتي لاعبات فيها لعب وياأخذون حقوقها وهي ماتقول شي ودائما مسالمه علشان كذا اخذت خبره والى الان ماتعلمت ودايم تعارضني على افعالي وودها اني اكون خدامه لهم وكل مااجيهم اجيب لهم هدايا وكل اسبوع اكلمهم لاكن انا اتعامل معهم بالمعقول يعني قبل مايكون عندي خدامه اذا دخلو يسوون العشاء اروح اساعدهم بالتقطيع بس لاكن بعد الخدامه خلاص ماأدخل خدامتي تقوم مقامي مع انهم يكرفونها كرف حتى النوم ماتنام عندهم ولا يخلونها حتى تراعي لولدي يجلس ياكل من التراب ويطلع لشارع ولااحد يقولها شوفي الولد اللي انتي جايه علشانه يعني بالعربي لو ابي اعطيهم وجه كان سوو فيني مثل هلخدامه اذا شافوها اخذو اجازه وكل شي حطوه على راسها المسكينه لاكن انا اقول بالطقاق لاننا مانطول عندهم حتى هي الخدامه تتشكى اذا صارت عندهم واقولها طولي بالك كلها يوم او يومين ونمشي لابعد ياأخذون منها كل تفاصيل حياتنا ووين نروح ووين نجي حتى توقيت زوجي من العمل يسألونها كأننا نبي نكذب عليهم صرت هلحين ماأحب اخذها معي للمنتزهات والاسواق ولا حتى اعلمها علشان اذا سألوها تقول مايروحون ولايجون والمكالمات ماأكلم الا اذا وحده والده او مناسبه مره كبيره يعني مقله مره من الاتصالات الثقل حلو والهدايا اذا زواج او مولود جديد بس علشان اذا كثرتي الهدايا مارايح يقولون طيب منك يبون يقولون أكلت ولدنا هذا اللي يجينا وشلون اللي لأهلها والحمدلله الا الان لي خمس سنوات من زواجي لايعرفون ايش اللي ممكن يزعلني ولا ايش اللي يرضيني ولايعرفون نقطت ضعفي لان هذا اهم شي بالحياة علشان الحريم مايلعبون فيك مع اني ماسلمت يعني حتى لو كفيتي شرك وخيرك مزهقينك مزهقينك حتى الكلام يتقولونه على لساني ويكلمون زوجي ويقولون انت قاليلها السالفه وهي قايلتها لأمها وامها نقلتها لفلانه وعلانه وفعلا صار زوجي مايحب يقولي شي واذا اضطر وتكلم جلس يحذرني لاتقولين لأحد لانها هزت صورتي قدام زوجي من البدايه والله لو تدري امي باللي صار ممكن تنجن لاكن انا كبرت عقلي وقلت مثل ماقالو لك السالفه لحالها وسكت ماقلتلي ويوم صار فيها مشكله جيت تقولي تبيها اختك تكبر وتصير مشاكل والله ماأخليها تلحق اللي في بالها وتستانس وسكت لاكن مارايح اسكت علطول مصير الايام رايح تدور ويبين الحق واواجهها وجها لوجه بأذن اللي ماتنام عينه وكل ماتذكرت ظلمها لي ادعي عليها من كل قلبي والحمدلله اشوفها كل يوم أسوأ من اللي قبله اللي يهمل ولا يهمل صدقني احيانا الحريم اذا شافوك مع زوجك مبسوطه راحو يخربون ويجيبون سوالف علشان تتخانقون لاكن حاولي انهم مايحصلون اللي يبون اسفه على الاطاله لاكن حبيت اعطيكم تجاربي بالحياة

انا الحمد لله لم تكن لي اي صله مع زوجي قبل الدخله حتى اني ماأعرف شكله لما رحنا لشهر العسل اول...