المدينة داري
الله يسلمكـ يا قمر ,, :27:


المغتربة
والله إنتي الذهب بعين أمه وأبوه :)

بنات أفتكرت حاجة

( تزوجت قطعت )
للأسف في بعض البنات يتزوجوا ينسوا صاحباتهم
وممكن تقطع العلاقة فيهم
وعلاقتها تبدأ تنقطع عن الناس حبة حبة بحجة إنها مشغولة بحياتها الجديدة
حتى أهلها تسير العلاقة رسمي

بعض النظر إنه مو حلوة بحق الناس

صدقوني يا بنات الزوج
لما يشوف زوجته متعددة العلاقات واجتماعية بالناس
والناس تحبها وهي تحبهم يتمسك ويتشبث فيها أكثر
حتى إحترامه لها يزيد
يعرف إنها لها عزوة وسند,,
ومحبوبة الجماهير :27:


لكن لو سكرت على نفسها معاه وانحصرت في دائرة ما فيها إلا هو وهي
وممكن لا قدر الله سارت مشكلة يقول مالها أحد ويقلل منها
ويعرف إنه في الدنيا مصيرها ترجع له

أتمنى ما يتفهم كلامي خطأ
أنا ما أدعو إن الوحدة تلف البيوت وتترك زوجها
لكن لا تقطع علاقتها بالناس لأن هذه الظاهرة منتشرة ومزعجة جدا
وغير إن الناس يفهموها شوفة حال

وترى الإنسان بطبعه ملول
لما يلزق فيه أحد 24 ساعة
وطول الوقت بوجه يطفش
يبغى تغيير وشوق

فإنتِ رعاك الله وزعي إهتماماتك بالناس ولاتهملي زوجك
خلي الكفتين متساوية لا إفراط ولا تفريط



(زوجي كل حياتي)

أستاذتنا الله يذكرها بالخير
كبيرة في السن وخبرة في الحياة مزوجة أولادها
تقولنا يا بنات إذا تزوجتوا
(لا تخلي زوجك كل حياتك)
والله يا بنات كلامها مرة روعة
تقولنا خلي محبة الله في قلبك فوق كل شي
لا تحبي زوجك بإندفاع بالعكس
خلي محبتك موزعة بين أمك وأبوك وناسك وزوجك
يعني لا تحصري محبتك فيه وله وبس

ممكن تطبيق هذا الكلام صعب


الأبلة وهي تتكلم أنا قاعدة أقول في نفسي
طيب ايش الحكمة ؟؟ ايش فيها لو حبيتو بإندفاع .؟!




تدروا ليش يا بنات الأبلة قالت هذا الكلام .؟!



لأن الرجال ما تضمنيه سبحان الله
ممكن يتزوج عليكِ ممكن ربي يبتليكِ فيه
عشان كده
كل ما كان حبك له معقول هانت مصيبتك
وكل ما كان حبك زايد وعشق راح تتعبي نفسيا
وهو مرتاح ولا عليه فيكٍ
أنا ما أفاول شر لكن الواحد يكون حذر وفطن
إذا الشي زاد عن حده انقلب ضده
الله يكتب لكم كل خير :27:

ويعيننا على تطبيق هذا الكلام

وإذا افتكرت شي برجع
قاعدة على قلوبكم :)

كل اللي خاطري اقوله قالته اميرال ماشالله عليها وباسلوب واضح وحلو لو كنت كتبته ماكان وصلت الفكرة ماشالله تبارك الله
الله يوفقك يايمرال

حبيبتي المغتربه وبقية الغاليات

المفروض انه الوحده بليلة الدخله تتفق على اساسيات بحياتها

واذكر مره عمرو خالد قال انه اتفق مع زوجته اول ليله ان ربي عنده رقم واحد

وزوجته الثانيه

ونفسه الثالثه

حدد اولويات يمشي عليها بقية حياته حتى لايتعب

وهي تقبلت منه وقالت مثل ماقال


وكلامك صحيح غاليتي ممكن يقول هذي البنت ماديه وماادري ايش

لكن خليه يقول الين يشبع....هذي الامور مهمه انها تتفاهم معه ببداية حياتها لأن الزوج في اول الليالي طاير بزوجته ولو تطلبه لبن العصفور جابه لها

لكن بعدين يطلع حقيقته ويبدأ يحسب للشي الف حساب وهي اللي بتتورط فيها!!


والنصيحة اللي نصحت بها اخذتها من مجموعة اخوات كانوا عايشين حياه اقل من الوسط في بيت ابوهم

وبعد زواجهم صار لكل وحده منهم مصروف شهري خاص فيها


وهذا المفروض...لأن الزوجه تتعب مع زوجها كثير....تغسل ثيابه وهي وسخه

نغسل المواعين بعده وهي وسخه

ترتب البيت وهو وسخ

يعن تعـــــــــــــــــــــــــــــــب في تعب

وفي نفس الوقت تخجل تطلب من زوجها كل اللي نفسها فيه!!

عشان كذا الافضل يعطيها مصروف شهري تقديرا لها ولتعبها وصبرها عليه!!


عموما هذا رأيي والاختلاف في الرأي لايفسد للود قضيــــــــه:26:

انا كنت اسمح له يتكلم عن ماضيه وسوابقه الشينه مع البنات
وكنت احسسه انتي صديقه قبل مااكون زوجه على بالي مثل الافلام
وتندمت كثر شعر راسي صرت غيووووورة مرة وماعندي ثقه فيه ودايم افكر وافكر
واتعب نفسي
عاد نصيحه لاتفتشين بماضي زوجك واذا هو بادر وسولف لك قولي ماابي اسمع الماضي الماضي مات حنا
في اليوم وانت واحد ثاني
احسن ماتنقلب فوق راسك وتنعدم الثقه بينك وبينه