افنونة :

راح اقول لكي شوية اشياء واظن راح اخرج عن الموضوع بس راح تفيدك 1-لاتكثري اتصالات ايام الملكة راح يجي وقت ويمل ولا تتغلي مررره بحيث انك ماترردي او تدقي عشان راح يتعود ولا يسال عنك 2- لا تتكلمي عن اهلك باشياء مو طيبه قدامه بعد كده راح يعايرك بهم 3- من ايام الملكة فهميه أنو في أشياء أساسية في حياتك مستحيل تستغني عنها زي ماهو كمان في اشياء مايقدر يستغني عنها 4- لاتسمحيله يغلط عليكي عشان لومشيت اول مرره راح تمشي 1000مره 5- بالنسبة لأهله لاتعطيهم وجه مررره وتدخلي معاهم مررره خليكي معاهم طيبه وحبويبه بس من بعيد لبعيد عشان اذا اعطيتهم وجه كثييير بعد كده راح يتدخلوا في حياتك وهذا اللي صار مع صاحبتي وصلت الدرجة بام زوجها تفك الشنطه حقتها وتشوف الفستان اللي اشترته اذا نزلت السوق ضروري تنزل معاهم اذا واذا مره فكت عليهم بابا الغرفه من غير ماتدق الباب ومومعناته انك مرررره تبعدي عنهم يعني زي ماقلت من بعيد لبعيد وجبي معاهم بس اذا كنتي تعبانه قولي لا تخجلي اخرجي معاه لحالكم لا تربطي كل خرجاتك بهم عشان بعدكده معد راح يخليكم تخرجوا لحالكم ابدد 6- واهم اهم شي فهميه انك انتي اول شي بالنسبه لكي بمعنى انك تحبي نفسك من كل النواحي تحبي تلبسي تقراي تحضري دورات تنمي نفسك ثقتك عاليه هذي اشياء مرررره ضروري يشوفها فيكي عشان بهذي الطريقه يحبك لمن انتي تحبي نفسم ووقتها يجري وراكي جري 7- وفي شي من كل الناس اللي شفتهم حولي استوعبيه تمام الرجل لايفهم التضحيه يعني لوضحيتي تراه مايقددددددددر لأنه عنده هذا مااااضي واللللللللللللللللللللله هذا مو كلام تجربه في الناس اللي حولي الرجل لا يفهم التضحيه يعني لا تضحي بشي اذا جري العمر راح تندي انك سبتيه زي دراستك او عملك عشان هو مايقدر بس في اشياء عادي ممكن تمشيها اصلا ماتاثر في حياتك هذا اللي افتكره دحين واذا افتكرت اي شي بارجع

راح اقول لكي شوية اشياء واظن راح اخرج عن الموضوع بس راح تفيدك 1-لاتكثري اتصالات ايام الملكة...