الاخوات الي جنب بعض في العزايم 🔒👭👭

السلام عليكم ورحمة الله
فيه ظاهره منتشره عندنا تزعجني مرره
الي هي الاخوات الي يحضرون العزايم بكل انواعها عزايم
عايليه او استراحات او بر …الخ
ويكونون جالسين او لاصقين في بعض ولا تسولف الا مع اختها؟!
طوووول الجلسه !
ورغم حاضرين بنات عمهم او خالاتهم وقرايبهم من زمان عنهم
يبغون يسولفون معهم بس ساحبين عليهم !!
طبعا للأسف انا اعتبر ماعندي اخوات عاده احضر لوحدي
وغالبيه قرايبي بناتهم واجد يعني مجموعات اخوات
تخيلو والله ماقاعده ابالغ يكون المجلس
عباره عن قروبات اخوات !!!
سلامات ! والله حاولت اجلس جنبهم ادخل معهم في النقاش
ما يعبروني ترجع تسولف مع اختها تقولين سنه منها
وهم جايين من بيت واحد وسياره وحده؟!
توكم كنتو سوا؟!
وسواليفهم عن بيتهم يعني مهما تبغين تدخلين تسولفين
ما تعرفين !
اتمنى اكون عرفت وصلت لكم رسالتي
لانها للأمانه مررره ظاهره تزعجني بشكل
لدرجة اليوم معزومه عند ناس من قرايبي
تعذرت لاني اعرفهم بيروحون اخر المجلس الاخوات
ويسحبون علي وهم يصيرون بنات عمي وعلاقتي
قويه معهم طفولتي معهم بس لما كبرو صارو
انطوائيين بس يبغون هم الاخوات لوحدهم ؟!!بسم الله!
مرره يييييع رغم اني احبهم لكن الي مايبغاك لا تبغاه مع السلامه
بتقولون حاولي والله حاولت اجلس جنبهم تحسين غريب جالس!
مره لقيت وحده منهم جالسه لوحدها قمت من مكاني وجلست
جنبها تخيلو والله اني اول ماجلست قامت على طول وسوت
انها طلعت من المجلس ورجعت جلست في اخر المجلس جنب اختها!!!! ايش فيه!!!!
عاده اذا حضرت هذي العزايم اكون جالسه لوحدي اتامل وجيههم من بعيد ماكأنا في نفس العزيمه او اجلس مع
الحريم الكبار
رايكم انتو في هذي الظاهره وهل عندكم في مجتمعكم زيها؟