الاخوات في ولونجونج - استراليا .. ممكن طلة ؟

حبيبتي حياك الله انا من ولونجونج وبصراحه ماقدر افيدك لان ماعندي اطفال بس كل شي موجود هنا وماحد اشتكى حتى الامهات يطعمون اطفالهم...........والادويه يدخلونها عادي بس بشرط تعبون الورقه اللي قبل ماتنزلون المطار وتبلغونهم ان معكم ادويه......اما الشحن شوفي حبيبتي اغراضكم كالقهوه والتمر والترامس فالافضل الشحن الجوي لان لو جبتوها معكم راح تلكفكم كثير..اما الشنط هم يسمحون لكل شخص 32 كيلو يدخلونها بالطياره.....واكثر من 32 ممنوع......وافضل شركات الشحن الجوي وعن تجربه شركة المؤيد واسعارهم كويسه مره يشحنون الكيلو ب10 ويوصلك بعد خمس ايام وبالكثير اسبوع......اتمنى اكون افدتك والله يسهل امورك ولو محتاجه شي لايردك الا كيبوردك.ومتى ان شاء الله راح تجون؟

الله يعطيك العافية اختي و يخلي لك زوجك ..

انا جاية بحول الله بعد اقل من شهر

وان كانك تبين شي من الرياض .. انا مستعدة ..


فيه اشياء اخرى حابة اسأل عنها ..و تحمليني ..


يحتاج اخذ معي فستان لمناسبة مثلا

لو باخذ معي مكياج او تعليقات ذهب و غيرو فيها مشكلة ؟!

اشحن معاي بطانيات ؟!

وش الشي اللي ماجبتيه و تمنيته ؟!

و كيف المعيشة هناك هل هي مرتفعه

و هل يتوفر حضانة للاطفال عشان لو بغيت ا درس لغة ع الاقل .. لاني مرافقة زوجي


تحميليني ياغالية .

وشاكرة لكل من تجاوب



اختكم ::

اهلين اختي مشكوره الله يجزاك خير ماتقصرين مانبي الا سلامتك ولونجونج تتنتظرك..شوفي حبيبتي انا مانصحك تجيبين فستان لانك ماراح تحتاجينه الا بالمناسبات الكبيره مثل العيد وبالعيد الاغلب يلبس لبس بسيط وناعم اما بالنسبه لزيارات الجارات وكذا برضوا نلبس لبس عادي وحلو واذا عندك فستان ناعم وودك تجيبينها عادي...والمكياج ياعزيزتي جيبي معك لاني انا جبت مكياج وحطيته بشنطه صغيره جو شنطة الملابسي وعادي دخلوه وماقالوا شي اما الذهب مانصحك ابدا تجيبينه جيبي معك اكسسوارات افضل والذهب لو جبتيه تخافين تعرضين لسرقه لاسمح الله او شي فانا افضل الاكسسوارات وهاذا شي راجعلك...والبطانيات ماتوقع انك راح تحتاجينها الا كان تجيبين بطانيات صغيره لبنتك لان بردهم مو قوي مره وراح تاخذ عليك وزن فالافضل تجيبين لبنتك فقط...والاشياء اللي ماهي موجوده القهوه والتمر والزعفران بس فيه بعض البنات يقولون ان فيه زعفران بس سعره غالي مره وانا بصراحه ماشفته جيبي معك زعفران لانه من السعوديه راح يكون افضل وارخص وبرضوا من الاشياء اللي ماهي موجوده ترامس الشاي والقهوه وحلاوة شعر ومبخره كهربائيه اما الباقي كل شي متوفر الحمد لله وجيد...والمعيشه ياقلبي ماهي رخيصه صح هي ارخص من اوروبا بس اغلى من امريكا لان الدولار الاسترالي يساوي 3 ريال وشوي وامس ارتفع وصل 3 ريال ونص والراتب يكفي ويعيشك عيشه جيده الحمد لله ...وبالنسبه للحضانات موجود ياقلبي حضانات كثير والاغلبيه اللي يدرسون هنا يحطون اطفالهم عند حاضنه اردنيه لانها رخيصه تاخذ على اليوم 17 دولار بعكس الحاضانات الاخرى تاخذ فوق الخمسين دولار باليوم وفيه غير الاردنيه وحده مصريه او لبنانيه وكلهم كويسين ماشاء الله..اما اللغه ياقلبي الحين فاتحين كلاس نسائي في معهد اللغه ويدرس كثير من المرافقات في المعهد ووصل عددهم حول 26 طالبه والمعهد كويس ماشاء الله يعني ان شاء الله كل شي متسهل ..اتمنى اكون افدتك ولو باقليل ولو احتجتي شي لايردك الا كيبوردك وحنا بالخدمه وحاضرين للغالين ...

http://www.wollongongs.com/forum/
شوفي حبيبتي هاذا رابط منتدى السعوديين ان شاء الله راح يفييدك كثير ولو اشكل عليك شي انا حاضره
تحياتي

تشكرات يالغلا ,, ماقصرتي :)