الاخوان من الاب .....

عندك اخوان من الاب .كيف علاقتكم معهم ... وساكنين عند بعض ولا بعيد ..وكيف تقابلون بعض كل يوم .وسفراتكم وطلعاتكم مع بعض اولا .وهل بينكم مشاكل ..ومن رأيك ايش سبب المشاكل 

طبعا انا ببدأ بنفسي  ومن اللي حولي كثير يوم كنا صغار ..مشاكل كثيره ..سبب المشاكل كثرة الاحتكاك وساكنين جنب بعض ... وخصوصا مشاكل الصغار ووكمان فيه نقطه إنهم يغارون من صغرهم مره يعني لو نشتري شي ويشوفونهم عندنا مايشترون زيه لا يجي كل يوم يطلب اغراضك ...  ويطفشك عليها وإذا رفضت يروح يعلم ابوي.  وابوي الله يسامحه يجي يخاصم ..وطبعا هذا الشي يشجعهم..

كمان فيه نقطه مهمه إنه مافيه حياه خاصه ابدا طول الوقت عندك وخصوصا إذ ابوي فيه ...وإحنا كبار يعني نطفش لما يكون كول الوقت عندك طفل وخصوصا إذا مزعج و ومفتح اذانيه على كل كلمه تقولينها ..وكل هرجك يخرج برى ...ومن غير إذا بتقولين لابوك شي وهو موجود مثلا بتقولين له بروح اطلع ولا معزومه خلاص يقعد يبكي بروح معك ...وإذا بكى ابوي مايرده يخليه يروح معي بالغصب ..وامهم كبعا لئيمه وزفته  ...لان ماعندنا صغار نغثهم فيها ... كانت  مبسوطه ومستانسه .. وكانت احيانا هي اللي ترسلهم ...

وكمان فيه مشكله إنه لما نروح السوبر ماركت نمشي مع بعض نقضي وطبعا  الغيره وماتسوي لو اخذتي شي خاص فيكي مثلا من فلوسك ..طبعا يشوفونه ومن اول ماتوصلين البيت يالله طلبات ... لين ماتكرهين نفسك... 

طبعا هالمشكله يعاني منها اغلب قريباتي اللي حولي ... اماافيه حياه خاصه فيك .. مو انهم اخوان من  ااب ..لا لانه حتى لو اختك ولا اخوك ساكن جنبك ودك ترتاحين شوي من البزوره وماودك كل مارحتي مكان اخذتيهم بس الفرق إنه الاخوان من الاب ابوك يفرض عليك اشياء بالقوه ...كمان بعض الاباء
 مايقدر مشاعر الغيره اللي بينهم ..يعني لما يتضاربون ويتسلط واحد على الثاني يقول عادي اخوه .م.. ومايفرق بينهم وبكذا الاخ الاقوى راح يتسلط ..انا اختي لما كانت صغيره كانت غيوره مره ونكديه تحب تضرب وتلاقينها تمسك الطفل وتضربه من دون سبب وتطرده ووتروح تقول للاطفال لاتصاحبونه..تراه مدري ايش فيه وفيه ... وإحنا كنا نخاصمها لما تسوي كذا  لانه حرام الصغير صار يخاف ويبكي 24 ساعه..وكان ابوي يزعل يقول لاحد يكلمها وامهم تطالع فيها وتسكت.. ... وهذا الشي سبب مشاكل بينا لانه تتسلط على اللي اضعف منها ..وياويل اللي يكلمها..
 كثرة الضغط تولد الانفجار والحب مايجي بالغصب.. اكتبوا تجاربكم واللي ماعندها اخوان ...من اب ماراح تكون مشاعرها صادقه إلا لما تجرب

طبعا الصغار لما يكبرون  يتعدلون وهدا اللي صار بس الانسان احيانا يلوم الكبار يقول ها طفل  صغير وماعليه شرهه ...لاكن ليش الاب والام مايفهمون بزورتهم ليش لما يغلطون على طفل زيهم ويتقوون عليه مايبغون احد يكلمهم...  

احنا الحين طبعا علاقتنا كويسه بعد مرور سنوات من المشاكل والنكد ..وانا مسامحه اخواني لانهم لما كبروا تعدلوا ..بس برضه مو زي اشقائي ولا كل شي اقوله لهم..بس مو قادره انساها لابوي وزوجته.. كيف يسمح لهم ضميرهم إنه طفل عمره 4 سنوات ينضرب كل يوم ويصيح ..ويقولون عادي...ءطفل يعني الطفل ماعنده احساس .. 
اكتبوا تجاربكم..