الاداء الوظيفي والنقل الخارجي وعلاوة محرم

أولا : الله يغفر لأمك ويرحمها ويجمعكم بها في الفردوس الاعلى...
ثانيا: لاتخافين من الاداء لوظيفي
لان المفاضلة راح تكون على أساس :
1)عدد أيام المباشرة يطرح منها أيام الغياب بدون عذر
2)الغياب بعذر
3)تقدير المؤهل
4) عام التخرج
5)تقدير الاداء الوظيفي لهذا العام
6)تقدير الاداء الوظيفي للعام الماضي
وإذا ربي كتب لك النقل ما في شيء راح يرده
لان 2 من المدرسات اللي كانو معانا نقلوا مع إن أداءهم الوظيفي 70 والغياب بدون عذر20يوم....
ثالثاً: الاجازة ما تأثر على العلاوة السنوية
أنا العام الماضي أخذت إجازة رعاية مولود وجاتني الزيادة عادي...
الله يكتب لنا النقل هذي السنة....

انا مقدمة كل ذا السنة علي اجازة رعاية مولودومحطوط كل ايام اجازتي غياب بعذر ما يؤثر علي النقل المفروض ما يحسبونه لان هالغياب انا دافعة فلوسه صح؟:mad:

اذا انتي اختي باجازة استثنائية

فالمفروض يوضع لك ادائك الوظيفي تبع العااام

على اي اسااااس المديرة حطت لك الاداء ؟؟؟؟؟؟؟؟؟؟ وانتي من غير دوووووووووام ؟؟؟


لازم تحاجينها وتردي اعتبارك

شفيكم يالمشرفات موضوعي مختلف عن هالموضوع بس طايحين قص بهالمواضيع مللتونا بهالمنتدي اللي كان الوحيد اللي يعجب الجميع الحين ماتلاحظون انه صار ميت نوعا ما وانتقلو معظم العضوات لمنتديات ثانية اذا الموضوع مومخالف للقوانين مالكم دخل مكرر والا لا اصلا العضوات اذا حسوا انه مكرر هم مايردون

عزيزتي التعاميم تنص أنه من تزيد أيام غيابها بعذر عن عدد معين تكون درجة الآداء الوظيفي 60 وبهذي الطريقة لايحق لها التقدم بطلب النقل .. ماودي اكدرك وأنا معلمة مثلك وأقدم على الحركة كل سنة وما شفت شي بالرغم من أن آدائي أعلى من 95 بس ربك ماأراد أني اكون من ضمن المنقولات..
أما بالنسبة للعلاوة السنوية فلا أعلم عنها شيئا .. موفقة يالغالية ..والله يعظم أجرك ويجعل قبر أمك روضة من رياض الجنة .. آمين ..