الادويه النفسيه نعمه من الله

السلام عليكم اخباركم بنات انا اشوف بعض مواضيع البنات عن الاكتئاب واللي فيها قلق والا رهاب حتى اللي يشتكون خوف ووسوسه وبعض من اعراض القولون انا اكثر وحده عانيت من هذي كلها للاسف الحمدلله انا وحده محافظه على صلاتي واذكاري والاغاني مااسمعها من صغري الى ماتزوجت مانعرف الا القنوات الاسلاميه مثل قنوات المجد انا قلت لكم كل هذا عشان ماتربطون الامراض النفسيه بضعف الوازع الديني انا بدايتي كانت وقت المدارس اذ عندي اختبار يجيني قلق وخوف مو طبيعي ورايحه جايه للحمام للاسف المستشفيات زادتني سوء يعطون ادويه وانا مشكلتي نفسيه تطور الوضع بعد زواجي صارت تجيني الحاله هذي بعد الولاده بس اشد احس اني مخنوقه وخوف شديد وثعلبه ومااشتهي الاكل رحت رقاة وقريت وماتحسن وضعي اخر شي رحت لطبيبه نفسيه اللي تمنيت اروحلها اول ماجتني الاعراض لكن قدر الله وماشاء فعل الحمدلله الدكتوره شرحت لها وضعي واول ماستخدمت العلاج خفت الثعلبه وزالت الاعراض اللي كانت فيني حتى القولون شبه اختفى اللهم لك الحمد اسال الله الشفاء لي ولجميع المرضى انا حبيت اعرض تجربتي لكل من تتخوف من الادويه النفسيه او تربط بينها وبين ضعف الوازع الديني وترى الامراض النفسيه نوعين الامراض الذهانيه اللي يكون علاجها صعب ولازم يستمر عليه والنوع الثاني بسيط وعلاجه سهل كم شهر وتوقفينه حسب ماترشدك الدكتوره..