الارز

نقعي بمويه ساخنه وعاد بعدين اطبخيه وان شاء الله يظبط معك

يصير قاسي او ناشف لانه مانضج ولا اخذ مويه كفايه

الرز اللي حبته طويله لكل كاس رز تضيفين كاس ونص ماء

ولازم تغطينه كويس عشان مايطلع البخار وتتركينه على نار هاديه جداً على الاقل ربع ساعه الى 20 دقيقه ورايح يكون ناضج وحبته فيها طراوه .
جربي هذي الطريقه للرز غالباً عندنا نسويها للمندي ويصير الطعم لذيذ والرز طري

في قدر على النار حطي ربع او نص اصبع زبده حسب كمية الرز اللي عندك ولا تحطين زيت لازم زبده لان الزبده هي اللي بتعطيه طعم كويس .

واضيفي له بصله صغيره اقطعيها نصفين ثم قطعيها شرايح واذا عندك فلفل رومي اضيفي كميه بسيطه ربع او نص الفلفل الرومي . . وشوحيه على النار مع الزبده تشويح خفيف مجرد يذبل حاجه بسيطه

واضيفي له عودين قرفه + 4 حبات قرنفل + 4 حبات فلفل اسود اذا متوفر عندك + حبتين هيل + ملح

واضيفي له المويه والرز

وقطعي حبة طماطم صغيره نصفين ثم قطعيها شرايح وحطيها فوق الرز وحركيه تحريك خفيف ثم غطيه واتركيه 20 دقيقه على نار هاديه جداً ثم قفلي النار ولا تفتحينه الا بعد مرور 5 دقايق من تقفيل النار .

بعطيك طريقة الرز ..
وبإذن الله بتضبط معاك👌..
اول شي المقادير لكل كاس رز(اكثر من كاس تضاعفي الكميه )والكاس يكون الكاس اللي نشرب فيه :
بصله وسط ..حبة طماطم ...2 عود قرفه ..4 حبات مسمار ..4 حبات هيل ..1حبة ليمون اسود تعملي فيه فتحتين او ثلاث ...1 ملعقة وسط (مو ملعقة الاكل اللي اصغر منها )ملح ..1 ملعقة وسط بهار مشكل ..1 ملعقة الشاي فلفل اسود..1ملعقة شاي ثوم بودرة ..شوي كركم بودره ..
....
اول شي تغسلي الرز لما تكون الماء صافيه وتنقعيه بماء فاتر ساعه كامله ...
....
تقطعي الدجاج وتسلقيه مع الملح والبهارات والفلفل الاسود والثوم والكركم ..والماء يكون مقدار كوبين (نفس الكوب اللي قستي فيه الرز ...
خليها نصف ساعه فقط ...
...
بقدر ثاني قطعي البصل مكعبات وكشنيه مع 3 ملاعق اكل زيت بعدين حطي القرفه والليمون الاسود والهيل والمسمار او القرنفل لما تطلع ريحة التوابل ويذبل البصل ..قطعي الطماطم وضيفيه للبصل وقلبيه على النار لما يذبل الطماطم ..
..طلعي الدجاج بصينية تيفال ..وحمريه بالفرن ...
صفي موية الدجاج على القدر الثاني..اللي فيه البصل ..واتركيه يغلي شوي بعدين صفي الرز من موية النقع وحطيه في القدر ...لازم الماء يكون اعلى من الرز ب1سم وارفعي النار لما يغلي ويتشرب الماء بعدين تكون النار مره ((((هاااديه )))لمدة 45 دقيقه ..
بعدها قلبيه بالملعقه على خفيف بالقدر واسكبيه بالصحن وبالعافيه ..
......
اسفه على الإطاله ..لكن طريقتنا معتمده وكل من يطبقها تضبط معاه..ماشاء الله ..وان شاء الله تضبط معاك ..وعليك بالعافيه ..
واي سؤال بالخدمه ...

رفع