السلام عليكم ورحمة الله وبركاته
دخلت المطبخ واحتست ايش اسوي وجا على بالي رز ملون ذقته زمان من جارة اهلي الباكستانية وللان طعمه مايفارقني
وحبيت اجرب والله يا اخوات نفس الطعم وطبعا خلاص اعتمدته على طول وخاصة العائلة كلها حبته بجنون:22:
المهم هذه صورته علشان تشتهو تعملوها باسرع وقت
المقادير والطريقة بالصور وحسب حجم العائلة
حطيت حوالي 50 غرام زبدة ( نصف قالب صغير ) وشوية زيت علشان ما تنحرق الزبدة وفرمت حبتين بصل وحطيتهم لحد مايذبلوا
وهنا ذبلوا
قطعت دجاجة ونص وغسلتهم وصفيتهم وحطيتهم على البصل
وهذه البهارات اللي حطيتهم على الدجاج عبارة عن ( ملعقة كبيرة بهارات مشكلة + ملعقة صغيرة هيل مطحون + ملعقة صغيرة فلفل اسود مطحون + ملعقة صغيرة فلفل اسود حب + ملعقة صفيرة قرنفل ( مسمار) + ملعقة صغيرة لومي مطحون + ملعقة صغيرة كركم + قرفة عيدان مكسرة بحدو ملعقة كبيرة + 4 ورقات غار + برش حبتين برتقال )
وهنا حطيت تقريبا ملعقة كبيرة ملح
والماء الساخن اعلى من الدجاج بثلاث سم تقريبا لحد مايستوي الدجاج اخذ مني 45 دقيقة
ومانسيت حبتين ماجي لزيادة الطعم
وهنا شلت الدجاج على جنب للتحمير وضعت الارز بعد مانقعته وصفيته
غطي الارز وقبل لا يستوي يعني بس بدأت الماء تنشف عنه بتكوني مجهزة ثلاث فناجين حطي بكل واحد ملعقة سكر صغيرة وهذا سر الطعم الحلو
والوان اللي نستخدمهم للحلويات حسب الالوان اللي عندك وافضلها الاصفر والاخضر والاحمر لانها تعطينا الوان الطبيعة الحلوة من كل لون ملعقة صغيرة حطيهم فوق السكر
وحطيت ماء ساخن عليهم وحركت السكر علشان يذوب يادوب شوية ماء ساخن
وهذه الالوان اللي استخدمتها