السلام عليكم ورحمة الله وبركاته
ان شاء الله يكون الجميع بالف خير يارب وتكونوا دائما بالف صحة وسعادة يارب
طبعا ارز المكسرات او الارز بالخلطة بيفرق فى عمايلة من كل واحد ة والتانية ولكن الاختلافات بتكون طفيفة جدا جدا
انا اليوم هشرح طريقتى اللى وصلت لها مع تجربة من اول مرة عشان اوصل للون البنى مثل ارز الحفلات والمناسبات اللى ينجده دائما تحت الديك الرومى او البط او الخروف او غيرة من الطيور
اتفضلو شوفوا معايا
**المكونات**
3 كوب ارز بسمتى
6كوب ماء او مرقة اللحم او الدجاج
3 معالق كبيرة سمن+3 معالق كبيرة زيت زرة
البهارت(معلقة ص قرفة +6 حبات مسمار+6 حبهان+رشة فلفل اسود+ملح حسب الرغبة)
معلقتين صغيرة سكر بنى او سكر عادى
مكسرات(لوز+زبيب+بندق)
رشة ماء ورد بسيطة جدا ( اختيارى)
**الطريقة**
نجيب الحلة او الطنجرة ونضع فيها السكر مع رشة ماء خفيفة الى ان يحترق السكر ويكون كراميل
نحط الماء فى هذه المرحلة ونتبل بالبهارت السابق زكرها
نتركهم يغلون ثم نسقط الارز ونهدئ النار بعد الغلية الاولى
فى نهاية تشريب الارز نضع ماء الورد
فى طاسة حمرى المكسرات وخلى اللون يكون ذهبى للكل
انشيلى المكسرات جانبا
ضعى السمن والزيت المتبقيين من التحمير الخاص بالمكسرات على الارز المطهو فى الحلة (لاحظى اننا اول مرة نضع السمن فى هذه المرحلة حتى يتشرب الارز من خلاصة نكهة المكسرات)
اغلقى غطاء الحلة او الطنجرة مدة 5 دقائق ثم اطفئ الغاز
اتركى الارز قبل الغرف ربع ساعة حتى تكون حباته مفرفرة وغير متلاصقة ثم اغرفى فى طبق التقديم وضعى المكسرات على الوجه
وبالف هنا عليكم - ادعوووووووولى يا حبايب
الشكل روعة
أكيد الطعم أروع