الاساس اللي نصحتني به الميك اب ارتست

اخباركم ايه ؟؟؟

وحشتوني كلكم مش عارفه ادخل موسم الامتحانات

المهم كان عندي امبارح مناسبة عرس بس العريس والعروسه سعوديين لكن الفرح

كان هنا في مصر وكان ماشاء الله جميل المهم في واحده لبنانيه ماشاء الله

تعمل ماكياح تحفه واحيانا بخليها تعملي في الاعراس فجاتلي امبارح وكانت بتعمل

لاختي وقررت اسألها عن كل الادوات اللي بتستخدمها لاني سألتها قبل كدا عن

الاساس وماقالتليش قالتلي انا بخلط الاساس مع بعضه لكن امبارح سألتها عن كل

حاجه الاول سألتها ايه بودره حلوه ممكن استخدمها قالتلي كنيبو وانا فعلا بستخدمها

قالتلي لكن استخدميها بالمايه قلتلها سمعت انها تخرب البودره قالتلي لا كلام غلط

لانها اصلا اساس مع بودره فيستخدم بالمايه ويطلع روعه وافضل رقم اللي اسمها

بامبي تطلع روعه لكن انا بستخدم سوفت بيج رقمها 202 وبتطلع حلوه لكن من غير

مايه وناويه اجربها بمايه وهجرب بامبي برضه فقلتلها طيب ايه اساس استخدمه

في الافراح قالتلي كنيبو بالمايه تكفي هتطلع حلوه يعني رفضت تقول بطريقه مش

مباشره قلتلها والاي شادو قالتلي شانل و ماك وسألتها عن الكحل قالتلي ماك

والماسكره ماكس فاكتور والمت بيس سماش بوكس وشفتها تستخدم زي

بودره لونينن من سماش بوكس كريمي لون فاتح ولون غامق تظبط بيهم

الانف ولما جت تعملي ماكياج قلتلها تاني بس انا عاوزه اساس استخدمه

قالتلي روحي شوفي في المرايه لو الاساس دا عجبك على وشك ودرجته

حلوه اقولك رقمه المهم طرت على المرايه ولاقيته روعه فقلتلها

قالتلي دا اساس كيرولان والاساس اللي تستخدمه استك مش سايل

ودرجته 5 و 3 اتنين مع بعض وانت حسب الدرجه اللي انت عوزاها

توزعيهم مع بعض 3 افتح من 5 يعني الدرجه اللي عوزاها اكتر منها اكتر

وبعد كدا قالتلي احط اي بودره سايبه عشان الاساس تقبل وخلاص لو فضلت

طول اليوم ما يروحش فقلت لازم اقولكم وناويه ادور على كيرولان لان ما

لاقيتوش ولا في مصر ولا السعوديه لكن هي قالتلي لو ما لاقيتوش

هتجبهولي من لبنان لو عاوزه فياريت اللي يعرف موجود فين في السعوديه

يقولي قبل ما تسافر وطولت عليكم معلش