في البدايه اعتذر عن التاخير وكل الشكر والتقدير لاختي ماويه على رحابه صدرها الله يجزاها الجنه يارب ...
طبعا هالاسبوع بيكون الاسبوع العالمي للنظافه
اول حاجه معروف كيف هي تصميمات البيوت في الخارج والشقق الله يرحم الحال <<< يمديكم على الفلسفه
طبعا بيكون تصنيف للبيت كل يوم شي الى نهايه الاسبوع
شعارانا لاتؤجل عمل اليوم الى الغد <<< مهب سهله العجيز تعجبكم :rolleyes:
طبعا الكل يعلم بعد النظافه والترتيب :3_2_8v: من راحه نفسيه وحاله ريلاكس على الورعان وابو الشباب :arb: مهب طول الوقت وانتي مبرطمه :angry2: << بمعنى( ماده البوز شبرين) وزعلانه والحل انك تشمرين عن ساعديك وتنظفين لراحه نفسيه لجميع افراد العائله :2thmup:
اولااااا : المطبخ وما ادراك مالمطبخ وخرابيطه
دروووجك حوسه من زمان مانظفتي الغبره :hmh:
الثلاااجه تصيح من الزحمه :icon33:
الفررررن يقول من زماااااااااان مانظفتيني خافي الله فيني :024:
المخزن اللي بالمطبخ حوسه وترمين فيه وتسكرينه بسرعه علشان مايضيق صدرك :(
وداااااااعا لكل هالخربطه والحوسه ونبي نشاااااااط وحيويه
طبعا عدتك قبل كل شيييي الا وهي ( كلوركس ,صابون للصحون, منظف 409 هذا رهيب يعطي انتعاش بعد التظيف ,اسفنجه ,فوطه , ومناديل رول )
اول شي بنبدا فيه الادراج لاتحووووووووووسين طلعي درج درج نظفي الغبار ومسحيه بعدين رتبي الصحون فيه بشكل فني ويفتح النفس ....
اتوقع تاخذ ساعه لان كلها كم درج خلصناااا ...
بعدها نبدا في الفرن يبغاله كرررف شوي وتجهزين قصدير نظفيه صح من داخل وبرا وحتى الشفاط اللي فوق المنطقه اللي حوله نظفيها بعدها بيصير يلمع بعد التنظيف بالكلوركس والصابون جيبي من 409 ورشي ومسحي بمناديل الرول يعطي لمعه وانتعاش بريحته الحلوه ....
بعد اتوقع ياخذ ساعه نسينا القصدير نغلف فيه فتحات الكهرب حتى لمن تنظفين المره الثانيه بس تشيلين وتغلفين وخلصنا صحيح بنتعب هالاسبوع بس صدقوني بعدها ررااااحه <<< اسال مجرب ...
بعدها الثلاجه نحتاج اكياس صغيره للخضار والفواكه تقسمينها فيها احلى شكل في الثلاجه واريح لك انتي بعدها ننظف الثلاجه كلها بالصابون والكلوركس دايم استعمله لانه معقم بس لاتكثرون ثلاجتك تبرق رتبي الادويه اول شي بشكل حلو بعدها العصيرات والحليب والى اخره على باب الثلاجه بعدها تحطين صينيه صغيره في اول رف لبعض الصون اللي تبقى من الاكل او نواشف زيت وزعتر الى اخره بعدها حطي درج للفواكه ودرج للخصار ورتبهم بشكل حلو والشي الخربان ارميه <<< اكيد ماجبتي شي جديد ...
طبعا مع الفريزير بنفس الطريقه اللهم اني احط صحن قصدير واجمع فيه الدجاج على جنب والخبز على جهه اخرى والبهارات على الباب بيطلع شكلها مرتب وحلو ,,,,
تاخذ ساعه الى ساعتين ...
دولاب المخزن على حسب طريقتك فيه اما تكون سلال او صحون قصدير او اكياس
انا الاغلب باكياس لانهم بهارات صعبه تنفتح واخر شي حطيت الرز والسكر
بعدها العصيرات والخرابيط الرف اللي بعده البهارات واللي بعده بهارات <<< امي الله يحفظها جايبه لي اكياس اكس لارج واللي فوق للقدور الغير مستعمله لان دروجي يادوب 3 وش تكفي لتكفي
عاد كل وحده وطريقتها وعلى حسب في البعض عندها مخزن والبعض لا
هذا ياخذ تقريبا ساعه ...
اخر شي تنظفين المغسله صح وتلمعينها وتحطين شوي كلوركس وشوي صابون مع مويه شوي وتغسلين الارضيه بس اللي قلت عليهم وبالفرشايه بعدين لمن تحسين البلاط يلمع بعد كذا جيبي فوطتين كبار ومسحي بعدها صبي مويه شوي وامسحي بيكون راح الصابون لانه قليل رشي من 409 على الارضيه وامسحيه بتحسين مطبخك ينبض بالحيويه والانتعاش ...
طبعا في حاجات لازم نهتم فيها كاساس في المطبخ ...
1) الزباله وانتم بكرامه تتغير بعد الطبخ او تنظيف المطبخ حتى ماتبقى روائح كريهه في البيت ...
2)لاتطلعين كل صحونك وانتي تطبخين <<< علمي نفسك لانها بتجي على راسك اخر شي وكل ماتخلصين حاجه غسليها كذا بيكون مطبخك يلمع على طول ...
3) ريحه الطبخ وما ادراك ماريحه الطبخ وهذا اكثر شي يطلع روحي في البيت لانه مافيه شبابيك للمطبخ وتصير الريحه ياسلام فقبل ماتطبخين افتحي شباك الصاله باكبر شي ومع المروحه وبعدها علشان تطير الريحه شغلي الفواحه او معطرات الجو ...
4)انواع الفواحات والمعطرات اكثر شي استخدم بودي شوب واحلى شي استعمله بريحه الفراوله يعطيك انتعاش رهيب وفيه حاجه ارشها في الزباله وانتم بكرامه وهو قاتل للبكتيريا وفي المطبخ عموما ريحته حلوه ومعقم بنفس الوقت اسمه( lysol)
وهذي صورته
طبعا اكيد اني ماجبت شي جديد بس هذا الموضوع للتذكير ونساعد بعض بالافكار وحلو نحمس بعض وكل وحده تقول وش تسوي او طريقتها او وش انجزت بهذا الاسبوع ....
ان شاءالله اتواصل معكم ان سنحت لي الفرصه