اكيد معروف عني اني ام ناموسية كحلي..

بس صرت ادخل المنتدى كل اسبوع الى 10 ايام ..فمالحقت على الاسبوع من اوله ..

المهم طبعا مواقف الغربة مليانة خاصة اني منحدرة من عيلة 5 نجوم على قولتهم.. والله مدري كيف عايشين .

اول شي وانا جاية كل شوية احلم اني جيت امريكا ونسيت شي ماجبته معايا .. وكنت حامل في بنتي التانية وعلى ولادة ..واحسبها ولد حسب اقوال الاطباء..

بعدين واحد ابو اقراحات اقترح على زوجي اننا نعجل بالسفر واجي اولد هنا اسهل لي بدل ما اخد رضيع معايا في الطيارة ..

طبعا عشان عمره ماحمل وولد يحسبها لعبة.

وكنت في الجامعة وعلى اختبارات سنة 3 ..وولدت بنتي قبل الاختبارت بكم يوم :06:..ورحت عند اهلي في مكة قعدت خميس وجمعة والسبت رجعت بيتي عشان اذاكر ..

مأساة المهم ..في الطيارة كنت حاسة روحي راح تطلع وقلت هو هدا الموت بعينه ..اول مرة اركب طيارة ..ركبت مرة وانا عمري 5 شهور وامي تقول اني طحت كم مرة من الكرسي..(شي يبشر بالخير.).

ونروح في الطيارة وطبعا الانسة ميس مالها مقعد ..بس معاذ افندي ..ودوبه متعلم على الحمام ..وقلت لابوه اقولك ماني مستعدة اودي نفسي الحمام لبسه حفاضة وفكنا ..بس الرجال كان مرة متحمس وكل ساعتين شايل الولد على الحمام ..

البلوة انه طلبنا الكرتون اليي نحط فيه الاطفال الصغار ..قامت المضيفة الغبية جابت لنا السلة اليي تتعلق قدام الشاشة..وبعدين حاولت اوديها يمين اجيبها شمال مهي راضية تصلح اسدح فيها البنت ..قلت امري لله حطيت البنت على يدي طوووووووووول الرحلة (الله يكافيها المضيفة عليها غباء عمره مامر علي) ونزلت طاولة الاكل عشان تساعد في تثبيت البنت اذا نمت.

وكانت الطيارة ايامها باردة وما اخدنا بطانيات كفاية ..اول مرة عاد ما اعرف شي غشيمة ..والا كان دخلت في عين المضيفات يمين وشمال زي ما اسوي دحين ..والله افتقد البرد هداك دحين صارت الطيارات اليي نروح فيها حارة مرة كانها واقفة في الشمس (حلوة دي).

ولما جينا نوصل امريكا قالو في اعصار في ولايتنا الحلوة ونزلونا في نيو يورك ..وقعدنا يوم كامل وخلصت الحفايض حقت البنت ..

وصارت لخبطة في العفش وضاع وجانا بعد 4 ايام ..

.........................................
بكرة عندي موعد اخلع ضرسي دعواتكم ..اذا فقت بعد الخلع اجي اكمل لكم بعد ماوصلنا ايش صار..

موضوعكم جدا حلو

ومشكورين

الله يذكر ايامك بالخير يا بنت نت انتي وام اقمرين وعاشقة القطط

الله يحفظكم ويييييييييين ما كنتوا

خسارة مالحقت على الموضوع في وقته

بس نايس ومت من الضحك

ومادام مسجل هنا لحقنا عليه

بنت نت أين انتي ؟؟؟

انا هنااااا .......... ؟؟؟!!! :booo:
كعكعكعكعكعككعكعكعكعكعكعكع هع هع هع نيهههاههااهااهههاهههههاهاهاه

ياااحبيلكم ياا بناات وحشتووووني .... :27: