الاستحمام وقت الدوره الشهريه

عن نفسي مستحيييل يعدي يوم ما استحم
حتى ايام الدورة لازم من الاستحمام
وفي الصيف مرتين في اليوم
والحمدلله مافيني الا العافية ماشاءالله لاقوه الا بالله

كلامهم صحيح من ناحية ان البراد ممكن يدخل الجسم ويجمد لك الدم
وماتمشي دورتك بشكل طبيعي ..
اتروشي وقت الضرورة بس .. كيف تتروشين مرتين ؟!!!!!!!


وبعد الشاور تدفي زين واشربي كل شي حار خاصة الزنجبيل
وغطي راسك

نسمع كذا دائما ونقلد ماندري الصح من الخطأ
بس على كل حال
اهم شيء عندي اغسل المنطقة العليا من الجسم وتحت الاباط
ما اتحمل اجلس بريحتي كم يوم ..سلامات 😂😷 بطفش على طول

وش هالعقول عند الحريم مقرفات قسم بالله
دوره تحتاج نظافه ودش علشان الدوره الدمويه والجسم يتنشط عن نفسي كل يوم اتحمم دوره او بدون دوره ومافيني شيء
المويه دافيه موجوده والملابس ربي كثر منها البسي بجامه قطن وشراريب اهم شيء وصلحي بعد الدش كوب حليب بالزنجبيل والقرفه والهيل والعسل
اما تخيس الوحده علشان الدوره مو معقول والكارثه اذا متزوجه 🤷🏻‍♀️لاتجي وحده تقول ماتتحمم وريحتي تفوح بخور وعطور
عطر على عفن ومزيل عرق على ابط وسخ له يوم ماشم المويه والصابون ماتجي
تنمو بكتيريا عفنه
يع

مستحيل حتى ايام الدوره اتسبح ضرورري واشغل السخانه واحلى شاوووور وعطور البس زين وشراريب ومشروباا ت حاره والامور تمام.
والحمدلله مافيني الا العافيه.