الاستراحات اساس خراب البيوت

السلام عليكم ورحمة الله وبركاته


قبل اسبوع كنت تعبانه وداني زوجي للمستشفى وبعدها لاهلي اتصلت عليه اخر الليل لان التعب زاد علي وطلبته دواء من الصيدليه ورد علي بكل برود اتصلي على اخوك يجيبه لك

قلتله مااراح اطلب اخوي لانك فاضي وماعندك شي والاستراحه مو شي مهم

وبعدين لو اطلب اخوي يبي يقولي وين زوجك اذا انت مشغول اكيد ماراح يقصر معي

بس انت بالاستراحه وقت ماكنت اكلمه اسمع صوت النوريات يرقع عنده

طبعا هو طنشني ولما اذان الفجر اتصل علي يقولي اخوك ماجاب لك العلاج قلت له وانت وش دورك بحياتي

ماكاننا متزوجين كل وقتك بالاستراحه مانتقابل في اليوم ساعه على بعضها وانت مقصر في حقي وانا ماارح اسامحك لاني تعبانه ولي يومين ماانمت وانت مو حاس فيني

ثاني يوم اتصل مرتين ومارديت ارسلي رساله اقعد عند اهلك ماابيك وانا اعرف كيف اربيك

ومنها لليوم وانا في بيت اهلي



لنا 10 سنوات متزوجين مايقعد معي ولا يهتم فيني يجي من الدوام يتغدى ويطلع يجي الساعه 8 بالليل يتعشى ويروح للاستراحه ومااشوفه لحد الساعه 2 او 3

واذا كان وقتها خميس وجمعه مااشوفه الا على صلاة الفجر
مدمن افلام اباحيه واكثر من مره نتهاوش بسببها

واخر مره شفتها في جهازه وسكت لاني زهقت من هالموضوع

راعي سفريات


علاقتنا في (000) في الشهر 3 او 4 مرات بس

مايحب لا يودي ولا يجب حتى لما اخوي اشترى سياره كان مستانس يقولي خلاص بيريحني من مشاويرك

دايما اعاتبه على تقصيره يقولي انا مقصر وعد بكره بجي بدري بس كله كلام في الهواء


كلامي ملخبط بس منقهره وزهقانه ومدري وش اسوي

ماني متعوده اغيب عن بيتي هالكثر

وبنفس الوقت مقهوره من زوجي واهماله لي

وافكر اخليه ياخذ ولدي عنده :(