انا متاكدة من ان ها الكلام كلام جداتنا الله يخليهم


بس اعذروووووووها ترى توها جديدة في الحمل


والله بعد انا يوم كنت حامل اتسبح بماي حار وااااااااااايد وكان في الصيف لانى ما حب الماي البارد


بس قلت خلنى اسال بنيابه عنها

ولكن انا اعرف ناس والله

وهم حوامل يخافون من كل شئ

حتى المكياج ما يحطونه ولا يتبخرون ولا يسبحون بصابون السائل ولا يحطون شبه ولا شي ثاني ولا كريمات على جسمهم


عنبووووووووووووووه هذا حمل ولا سجن وحرمان وعذاب


الله يعافيهم من الحساسية والخوف المفرط

بالنسبه للماي الحار سمعت انه مضر حتى امي قالتلي لاتسبحين بماي حار..... لان الماي الحر راح ينزل على البطن والظهر يعني مثل لما تسوين كمادات ماي حار للبطن والظهر لان الحراره ممكن تنزل الدم

بس الحلاوه تكون على السيقان والرجول مالها شغل :)

والله انا كل يوم اتسبح بماي حااااااااااااااااااااااار يعني حار اطلع جسمي مبقع احمر من الدش والحراره لاني ماحي اتسبح بماي دافي ولا بارد والحمدلله ماصار شي لا بحملتي الاولى ولا الثانيه :)

ام عبودي قولي الحمدلله ...وحده عن الثانيه تفرق كل انسانه جسمها غير الثانيه صح ولا لا؟؟

بعدين انا سمعت عن وحده عجوز انها يوم كانت حامل ايام شبابها عورها ظهرها شوي وقعدت تحط كمادات ماي حار على ظهرها وبطنها ونزل الجنين وكل الحريم هاوشوها لانها ذبحت الجنين بدون قصد

انا قلت الحمدلله :)

بس قلتي ظهرها عورها يعني كانت بتطيح من جذي ظهرها يعورها ماضن الكمادات اهما السبب مو للهدرجه:27: