الاستغفار ومادراك الاستغفار

بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


قبل قريت تجربه عن وحده تقول انها مرة اخوها كان معها دايما دفتر وتنقط فيه ولما سألتها قالت انا اسوي كذا عشان يسهل علي الاستغفار 1000 مره باليوم

اسوي 10 خطوط بالطول و10 بالعرض وتصير مربعات وانقط بكل مربع 10 مرات واكرر مع كل نقطه استغفر الله ولما اكمل الجدول كله اكون استغفرت 1000 مره بدون ما احس


جربت الفكره وحطيت الدفتر عندي بالصاله وصرت كلما شفته وقت فراغي قعدت انقط واستغفر والحمد لله
استمريت عليه وصرت اشتاق له والله

قلت اسويها بالوورد واطبعها
قلت انزل الموضوع على شان تستفيدون


ونصيحه مني شفت من الاستغفار العجب العجاب والله البركات بدت تنزل على بيتي من كل مكان الحمدلله وربي ييسر لنا امورنا من حيث لا نحتسب
كل اللي اتمناه تحقق لي

شرينا بيت طبعا بالاقساط صحيح شقه لكن الوضع المادي كان مايخليني افكر ولا واحد بالميه اني اشتري هالفتره
والحمد لله لزمت الاستغفار
6 شهور وبعد 4 اشهر
تيسر البيت والحين انا فبيتي الجديد لي اسبوعين ماشاء الله الله يبارك لي فيه


وكنت وقتها ادعي يارب يكون ارضي وفيه حوش صغير اطلع اشم هواء فيه اذا انكتمت والحمد لله ربي حقق لي كل اللي اتمناه بالاستغفار

حتى اتفه الاشياء
زوجي ماياكل دجاج ابد وكنت احتار اذا جيت اطبخ كل الاكلات الحلوه بالدجاج


اقسم بالله كنت استغفر وادعي انه ياكل الدجاج
والله العظيم انه صار ياكله له شهر الحمدلله
تتحقق بالاستغفار

وبقى الذريه الله لا يقطع رجاي في كرمه ورحمته ويحقق لي الأمنيه عن قريب قولوا امين وياكم وكل متأخره
هذا الجدول زدت عليه 5 خطوط عرضيه وصار 1500 مره
واذا كررتي المربعات كامله 7 مرات يصير عشر الاف وخمس ميه

سويتها مره تجنن انبسط اني انجزت استغفرت 10500 مره



اقولكم طريقتي
وانا انقط اقول كذا

أستغفر الله .. استغفر الله .. استغفر الله


استغفر الله .. استغفر الله



أستغفر الله .. استغفر الله .. استغفر الله



استغفر الله .. استغفر الله
يعني
3
2
3
2
صارت 10


اكررها
وتبرمج لساني صرت ادري اني قلت 10 بدون ما احسب النقط
كذا انقطها



بالنظر اعرف عددها سهل
اذا اعجبكم ادعولي وانقل الموضوع للفايده


اللهم اني استغفرك لما تبت منه ثم عدت اليه
واستغفرك لما اردت به وجهك فخالطه ماليس لك
واستغفرك للنعم التي انعمت بها علي فتقويت بها على معصيتك
واستغفرك لك ذنب اتيته في ضياء النهار وسواد الليل في ملا اوخلا

او سر او علانيه
ياعليم اللهم فرج عني كل هم وغم واخرجني من كل سر وخفيه يا ارحم الراحمين





منقول





الراسخون في العلم
كيف يكون لك بيت في الجنة , ردد : سورة الإخلاص 10 مرات
كيف يكون لك كنز في الجنة , قل : لا حول ولا قوة إلا بالله
كيف تغرس لك نخلة في الجنة , قل : سبحان الله العظيم وبحمده
كيف يكون لك في كل كلمة شجرة في الجنة , قل : سبحان الله والحمد لله ولا إله إلا الله والله أكبر
كيف تغفر لك ذنوبك وإن كانت كزبد البحر , ردد: سبحان الله وبحمده 100 مرة
التعديل الأخير تم بواسطة منال ; 07-24-2010 الساعة 04:34 AM

07-25-2010