أهلين حوائيات
بما أننا في قسم الحمل و الأمومه فيه كثير من العضوات الي ما حملت و الي تواجه مشكله في الحمل و الي تواجه مشكله تتعلق بصحة طفلها أو صحتها حبيت أذكركم بملازمة الإستغفار و أحكي لكم قصص صارت لي و للي حولي بفضل الله أولاً ثم بفضل الإستغفار..
قبل اسبوع نزلت السوق عشان أشتري هديه بسيطه لأختي لأنها وقفت معاي مادياً و معنوياً في ولادتي و كنت ناويه أشتري لها مخلط عود أو سلسله ذهب في فتيحي عليها عرض ب 145 ريال على ما اعتقد.. المهم دخلت العربيه للعود و أخترت مخلط بعدين حسيت أن فيه شي في قلبي مقبوض و مو مرتاحه للهديه ..بعدين قررت اني اخلي المخلط لي و أشتري لأختي هديه ثانيه..و أنا جالسه الف السوق مدري كيف فجاءه قررت أشتري لها جوال رغم اني ما خططت أشتري لها شي غالي أو جوال أصلاً..بس كذا نطت فكره في راسي و دخلت محل نوكيا بدون تفكير و ما لقيت الا جوال باللمس رغم اني كنت ناويه اشتري لها جوال بالأزرار بس مالقيت شي أعجبني.. فشريت لها جوال باللمس بسعر 1279 ريال و عرض علي البائع انه ينزل فيه البرامج مجاناً و من ضمنها المصحف كامل...
اتصلت على اختي و أنا في السوق و قلت لها بمر عليك بحط عندك اغراض.. و ربي يسرها لي و زوجي وصلني لبيتها بعد السوق بدون مايسوي لي مشاكل :)
المهم أول ما جلست و طلعت لها كرتون الجوال ألا و هي تنط من مكانها و تسلم على راسي و تقول من أمس و أنا أفكر كيف أغير جوالي له ثلاث سنين خربان و متفشله منه بس ما عندي إمكانيه.. و كانت تتمناه باللمس و فيه المصحف عشان تقرأ إذا كانت برا البيت... بعدين جابت لي خاتم الاستغفار جديد و قالت هذا لك.. و قالت لي انها لها يومين تستغفر و اليوم بالذات استغفرت 4000 مره بالخاتم و ربي رزقها جوال :icon28:
أنا اخذت الخاتم من هنا و بدأت في الاستغفار و بنتي تاخذه مني و تستغفر بعد ( عمرها خمس سنين) و تقول لي ليش ياماما نستغفر؟ أقول لها عشان ربي يحبنا...
أمس كنت في السوق أقضي لي كم لبسه بعد النفاس و بنتي معي و كنت حاطه الخاتم بأصباعي و استغفر طول الوقت المهم طلبت مني بنتي اني اوديها الملاهي و انا رفضت لاني وديتها هذا الاسبوع ثلاث مرات للملاهي و ما ابغى أعودها على الدلع و الصرف الي ماله داعي و ما كان عندي وقت اصلا اوقف في الملاهي لاني ابغى اتسيوق.. المهم اذن العشاء و قفلت المحلات و جلست ارتاح على الكرسي و بنتي تلعب قدامي .. جت وحده قربت من بنتي و سألتها: تروحي الملاهي؟... أعطتها أربع تذاكر مجانيه بتاريخ نفس اليوم و طالعتني و قالت:أنا خارجه الحين من السوق و حرام تضيع التذاكر .. خلي بنتك تنبسط فيها..ابتسمت و قلت هذا بسبب استغفار بنتي..و أخذتها للملاهي و لعبت الالعاب الي تحبها و أنبسطت مررره ..لما طلعنا من الملاهي قلت لها: شفتي انتي استغفرتي و ربي اعطاك تذاكر عشان تلعبين..قالت لي: يعني ربي يحبني؟ قلت لها: ايه يحبك..
و قبل أولد بشهرين كنت استغفر شوي و انسى اكمل .. وشفت شنطه بالسوق مررره اعجبتني و عليها تخفيض من 1400 ريال الى 700 ريال و ما كان معاي الا 400 ريال و قال لي صاحب المحل ان هذي اخر شنطه يعني لو رجعتي يوم ثاني ما راح تلقينها:icon33:
أنا كنت شايله عند اختي 600 ريال قلت في نفسي بكره اخذ الفلوس من اختي و ارجع للشنطه..لكن اليوم الثاني كان موعد زيارتي لبيت اهلي و طلبت من زوجي نمر على السوق عشان فيه غرض مهم باخذه (طبعاً ما قلت له شنطه عشان ما يعصب)
المهم طلبت منه يمر على بيت اختي في الاول لكنه عصب علي و رفض و جلس يهاوش فيني و انا انكسر خاطري و ما جادلته كالعاده :44: و قال لي ما فيه الا السوق بعدين اوديك بيت اهلك..أنا توهقت لأن ما فيه داعي للسوق إذا ما أخذت الفلوس من عند اختي.. و بعد ما حس ان خاطري مكسور و متضايقه تفاجئت انه موقف عند الصراف و يسحب لي الف و يعطيني اياها... و الله أول مره يمد علي فلوس هديه و الف بعد؟ أنا من جد تفاجئت ... و وقفني عند السوق وقال بسرعه خلصي..و أنا طيران على محل الشنط و لقيت الشنطه ما انباعت و بسرعه لقطتها و حاسبت عليها:27:
اتمنى من كل وحده تلزم الإستغفار و تجي تطرح تجربتها في هذا الموضوع ..أو حتى قصه صارت لك قبل بسبب ملازمتك للإستغفار عشان نشجع بعض ...
أستغفر الله و أتوب إليه
ريتآج @rytag_35
عضوة نشيطة
يلزم عليك تسجيل الدخول أولًا لكتابة تعليق.
جزاك الله خير
نفسي أداوم على الأستغفار بس مشكلتي يوم أستغفر عشره لا والغالب بسبب النسيان يااااااااااااااااااااارب أني آداوم على الأستغفار
نفسي أداوم على الأستغفار بس مشكلتي يوم أستغفر عشره لا والغالب بسبب النسيان يااااااااااااااااااااارب أني آداوم على الأستغفار
الاستغفار يفتح الاقفااال نفسي اداوم عليه بس المشكله النسيااان......استغفر الله واتوب اليه
ريتآج
•
أنا كنت مثلكم ابدأ بالإستغفار بعدين أنسى أكمل لكن بعد الله ثم خاتم الإستغفار صرت مداومه عليه سواء في البيت أو السيارة لأو السوق..لأني كل ما شفته اتذكر الاستغفار و إذا بديت أستغفر فيه أتحمس إني أكمل عدد أكبر من الي وصلت له..
جربوا خاتم الإستغفار و ادعوا لي
جربوا خاتم الإستغفار و ادعوا لي
الله يجزاك خييير انا متأخره عن الحمل وكلامك ريجني وبأذن الرحون راح الزم الاستغفار واكيد لك الاجر بكل استغفار استغفره
لان الدال على الخير كفاعله
انا من اول استغفر وانتي بكلامك زدتي من عزيمتي الله يبارك لك بعمرك وزجك وابنائك واينما كنتي
ادعييييييييييييييلي ادعي لبنوته تاكفييين لاتنسيني <اوصيييك>
لان الدال على الخير كفاعله
انا من اول استغفر وانتي بكلامك زدتي من عزيمتي الله يبارك لك بعمرك وزجك وابنائك واينما كنتي
ادعييييييييييييييلي ادعي لبنوته تاكفييين لاتنسيني <اوصيييك>
الصفحة الأخيرة
وادعيلي معاكي ربي يصلحني ويهديني لطاعته احنا كثير مقصرين وربي كريم يعطينا بدون حساب
بصراحه انبسطت يوم قريت موضوعك لانه مفيد بس شويه مثابره واصرار واحنا نصير بخير