الاستغلال

يعطيكم العافية بنات كيف حالكم اختي استشارتتي بموضوع وقلت بشوف شوركم واردلها ؟؟..
أختي انسانه حساسه جدا وطيبه جدا وتثق في الاخرين ودايما تتحمل المشاكل وتصبر لحد ما جاها قلق وحالات هلع وتوتر الله يشفيها ..
اختي هذي سلمكم الله ساكنة جنب مركز صحي ومن كثثر مااختي تراجع في هذا المركز الصحي تعرفت اختي على ممرضة جات جديدة هناك من جنسية غير سعودية وفي يوم اختي عزمتها لمناسبة في استراحة وجات البنت عندها وتعرفوا على بعض والبنت هذي وحيدة وشكت لاختي ظروفها انها موظفة وساكنه ببيت مافيه اثاث كامل وانها هنا عشان الوظيفة وساكنه بعيد عن اهلها اهلها بمدينه ثانية.. وبعدين مع الايام اختي لما راحت عالمركز شافتها و سألتها الممرضه متى تتغدي ؟ وهل تغديتي قالت لها اختي ليش ؟ وقالت لها انا اجوووع هنا ماقدر ارسل العمال يستغلوني ياخذوا عليا فلوس المشاوير وغير الوجبات غاليه ويتأخروا عليا وطلبت منها انها تجيب لها غدا معاها من البيت كل يوم واختي انحرجت وراحت جابت لها وقالت ابغا الاجر ولكن لاحظت انه البنت بدت تستغلها حتى طلبت منها انها تشتريلها بيبسي يعني فاهمين اختي جدا طيبه نزلت من المركز مشي لبيتها حوالي ٣ دقايق لبيتها وجابتلها غدا وتركت اولادها الصغار بالبيت وراحت اعطتها والبنت اتفقت معاها كل يوم الساعه ٣ الظهر تبغا الغدا عندها وطبعا اختي الله يهديها وافقت وقالتلها ابشري وتم وانتي زي اختي ورجعت بيتها وعلمتني السالفه انا لومتها وقالتلي انحرجت منها واختي هذي تعبانه وزوجها دوامه شفتات طويله وهي وزوجها ماهم ميسورين الحال عشان تقبل بشي زي هذا ..!؟
وبعدين الفريزر عندها تقسم الدجاج بعددهم وبعدد ايام الاسبوع انا نصحتها انها ماترد عليها بعد كذا وتتعذر منها لانه البنت موظفه وعندها اهل واختي ماهي ملزومه ببنت الناسواختي تقول حرام وعدتها ولازم توفي بالوعد انتم ايش رايكم بكلامي صح اوخطا ابغا ردودكم لا هنتو؟؟