الاستفراغ او الترجيع العصبي ... ومعناتي مع اطفالي

ياليت بارك الله فيك بنتي معها استفراغ شبه مستمر والحمدالله سويت لها فحوصات قالوا عنده ارتجاع بسيط

بس يخلونها فتره ويسون لها فحص بالكمبيوتر وان شاء الله تخف وماتحتاجه ...........يارب

الله يشفيهم

ولدي بعض المرات اذ عصب دخل اصبعه بحلقه عشان يقهرني الله يصلحه

ايه اكيد يالغلا ودنا نعرف عنه
ومنكم نستفيد

اختي الله يوفقك شكله مع ولدي

طيب حبيباتي هذي بنتي جات طبيعية بس من عمر 5 شهور بدا عندها الترجيع باستمرار لحد مانحفت ومابقيت علاج الا جببته وديتها لشيخ لان صحتها كانت حلوه بعدين نحفت مره وديتها لعجوز تمرخها يمكن عندها العلاج بعد الله يمكن معدتها مقلوبة عقولة بعض الحريم ومرختها ومافاااااااااااااااااااد استسلمت واستمرت حتى صار عمرها سنة وبدا يخف لحد ما انتهى بس بعد مانحفت الحين عمرها4 سنوات وزنها
11 ك الحمد لله على كل حال
جا ولدي اللي بعدها صحته حلوه ورضاعته كويسة وفجأة بعمر 4شهور يبدا معاه نفس الوضع انا انهرت لاني تعبت والله مع اخته كثييييييييييير بس احتسبت وبدينا بمشوار الادوية وما احد عارف وش القصة ومثل اخته حليبه على طول مخصص للارتجاع
والله يابنات ترك صدري وماصار يرضع الا وهو نايم ولو صحى قبل يمر ساعة على نومته يرجع الرضعه كلها حتى يرجع من انفه بعد
تعبت وصرت امسكه بحضني ساعة كاملة بعد كل رضعة عشان تجلس ببطنه (الله لايحرمني الاجر بس)
وماصرت احب اطلع من البيت ولا احب الزيارات كله عشان القرف والترجيع باليوم توصل 5 الى 7 مرات وانا في جهاد
المهم طولت عليكم
مره رحت عند الوالدة بمدينة ثانية ودلتني ع طبيب قديم يعني خبرة بالاطفال والحمد لله طمني
قال:يرجع لمن تنوميه على ظهره ؟ نعم
قال:يرجع لما يبكي على طول؟ نعم
قال:لما يشوف الاكل او الرضعة؟ نعم
قال:لما يصحى من النوم؟ نعم
قال :لما يمرض اي مرض يزيد الترجيع: نعم بكثره
قال :الاكل يجلس افضل من الحليب ببطنه ؟ نعم
قال:هذا الترجيع العصبي يصيب بعض الاطفال بسبب ضعف العضلة القابضة في راس المعدة فيندفع الاكل للخارج بكل سهوله لاكن لا تقلقين راح يتوقف بعمر سنه او سنتين ولا يحتاج علاج ولااشعة صبغة ملونة مثل ماقاللي بعض الاطباء هذا وضع بعض الاطفال ولنيجه افضل مع الطفل:
1*قسمي وجباته يعني بدل مايشرب 120 مل بعد كل ساعتين اعطيه 60 مل كل ساعه .
2*ارفعي راس الطفل بعد الرضعه وحاولي ان يتجشأ.
3*اذا كانت الوجبات الثقيلة تجلس في معدته افضل من الحليب اكثري الوجبات وقللي الحليب واعطيه كالسيوم باستشارة طبيب.
4*حاولي ان تعطيه حليب ذو طعم لذيذ لان طفلي تحسن بعد تغيير الحليب الحمد لله
واخيرا اصبري الله يعينك
اهم شي نموه العقلي والحركي والعصبي مقبول احمدي الله وارضي بأمر الله واعلمي انه افضل من غيره بكثير وفتره وتعدي ان شاء الله اتمنى اني افدتكم وشكرا...