الاستفراغ خطير

حبيت افيدكو بتجربتي انا ام لثلاثة بنات ولدت بنتي الاخيرة من 8 شهور وكانت بتستفرغ كل ماترضع واحكي عادي بنتي الكبيرة نفس الشي بس تصير 9 شهور بتبطل بس كانت تبكي ليل ونهار حتى كرهتني حياتي والكل بيحكيلي مغص اطفال عادي وفي اطفال نكدين لحد من شهر صار مع الاستفراغ دم روحت لدكتور حكالي جرح بالحلق عادي بروح ضلت شهر تستفرغ مع دم اخر شي روحت لدكتوري وكنت مصورة الاستفراغ حولني على المستشفى وعملولها صورة ملونة وحكولي بدنا نعمل ناضور لبنتك وافقت وعملولها حكولي ساعة بتتطلع بس استمرت العملية 4 ساعات بس طلعو حكولي من كتر الاستفراغ عندها نزيف بالمرئ وقفنا وسبب الاستفراغ انه عندها malrotation ومعناه انه الامعاء ملتوية وطالعة لفوق ففتحو بطنها وقصو الامعاء ورجعوها مكانها بس مابتقدر تثبت لانه الامعاء مابتتلزق والصدمة انه من كتر الاستفراغ صار عندها التهاب تحول لاورام بالمعدة والحمدلله طلعت حميدة لو طولت اكتر كان صارت سرطانية وحكولي ليش سكتي على بنتك لهلا الاستفراغ والبكى اكيد فيها اشي لو عملتي صورة ملونة كان كل شي بين لانه لوكانت اصغر كان اسهل كان ماصارلها هدا كله لانها مولودة بهدا الشي
ولهلا بنتي بتتعالج وعندها قرحة والتهابات ومابتعرفو حجم معناتي ومعناتها يارب يشفيها
لاتسكتي ادا بنتك بتستفرغ او بضل تبكي اكيد متألمة من شي