أدري إن في موضوع مثبت لهذا السؤال بس انه هاذي المعلومات ما يبغالها تثبيت لأن الدكتورات يتغيرو وبعضهم تتغير معاملتهم فرجاءً لا أحد يقولي مكررررر!! ولا شوفي المثبت!!
ودي أولد في متحدون تشرح الصدر غرفهم وخدمتهم بس اني ولدت ولادتي الأولى هناك عند ساميه العمودي وكانت تجربه سيييئه جداً خصوصاً اني لاحظت أغلب اللي تولدهم قيصري وسمعت نفس الشي عن آمال شبكشي وهبه يقولو تستعجل وقت الولاده ونفسها تسير شينه؟؟ أجل اجرب مين خصوصاً اني ضد مبدأ ان الوحده يولدها رجال طالما يوجد بديل من النساء
واللي جربت تولد عند أحد في المركز الطبي وتمدحه تدلني لأن هذا الحمل الرابع ومررره متضايقه نفسياً ودي دكتوره تريحني وتهون علي الموضوع..
الله يسعد كل وحده ترد علي ويحفظ لها عيالها من كل شر :26:
أدري إن في موضوع مثبت لهذا السؤال بس انه هاذي المعلومات ما يبغالها تثبيت لأن الدكتورات يتغيرو...
انتي بأي مدينه والبنات ان شاء الله ما بيقصروا بيدلوك
أول شيء ترى في شيوخ أفتو انه ما يجوز وانه فيه خدش للحياء طالما وجد البديل
ثاني شيء ما يحس بالألم ويعرف احساسك غير اللي من جنسك
مره دكتورتي كنت أسألها عن دكتوره ولدتني ولادتي الأولى قيصري كنت أسألها على أمانتها لأنها تسير زميلاتها الاثنين يدرسو بكلية الطب... طبعاً ضيعتني في الكلام ولا جاوبت سؤالي عن زميلتها المهم قالت لي انه في بروفيسور كبيييييير عندنا ومررره مشهور جالس يضحك ويقول تصدق اني سنيييييين ما عاد أشوف ذيك المنطقه نسيتها (لأن أغلب اللي عنده يولدهم قيصري ويقنعهم فيه) وتقول مره جاتني حامل ما فيها أي شي كله عندها طبيعي بس مصره تبغى القيصري لأن هذاك البروفيسور الكبير أقنعها تولد قيصري وأنها مالها أمل بالطبيعي تقول وأنا رفضت أولدها قيصري قامت خرجت من عندي وراحت له!!
يعني باختصار دكتور النساء والولاده رجل واكيد له احساس تجاه النساء واحتمال الفتنه وارد الواحد يتقي الشبهات أسلم له