الاستقرام والسناب شات والتويتر

السلام عليكم
ببدا بموضوعي ع طول بدون مقدمات
تعرفون. الدعايات والبيع والشراء في مواقع التواصل
والكل شغال في حصد اكبر كميات من الفلوس
بقول لكم شغله ياليت. تنتبهون لها. كسعوديات وبعد الأخوات العربيات اذا جيتو تطلبون من مواقع اجنبيه
حاولي ماتاخذين منتجات الاكل ولا منتجات الشعر ولا منتجات الجسم بقول لكم السبب
انتم تعرفون انو السعوديه اسواقها عالميه واغلب ماركات العالم موجوده عندنا والمولات والصيدليات تعج بكل شي
المهم ليش ما تطلبين الاشياء اللي ذكرتها لك
لانها راح تجيك بدون تحاليل ولا كشف انتم تعرفون ان فيه كشف على المواد اللي تدخل الدول ويختارون عينات عشوائية. ويحللونها واذا صار فيها شي مو طبيعي او مضر يرجعونه طوالي
يعني ماتدخل من الموانئ البريه والجويه والبحريه الا مفحوص عينات منها
يعني اللي تطلب للأكل والا للجسم لاتلوم الا نفسها لانها ما راح تكون مفحوصه
لاني شفت في استقرام وحده سعوديه. تروج لحلاو اطفال واكل وتمدح وتقول عضوي ومدري ايش
طبعا هي تمدح لانها زي الموظفه عندهم تأخذ عموله على الترويج وطبعا مايهمها الا مصلحتها والكسب المادي
انتبهو من الشراء عن طريق. هالمواقع
لاتقولون أرخص. ترى مو أرخص.
لاني شفت وحده تبيع زبدة شيا ماركه امريكيه موجوده عندنا سعرها 25ريال بالصيدليه
وهي الله يهديها كذابه تقول ان هالماركه مو موجوده في السعوديه وتسوي من هالدعايه وتبيعها 70 ريال
والله اسواقنا تعج بكل شي
وصيدلياتنا
وياليت اللي يسوون دعايه من حقات السناب والاستقرام
تراعي الله في الأسعار. اذا كانت تبيع محتاجه فعلا
علشان ربي يبارك لها
عني انا معاد اشتري ولا شي. الا لمى اروح بنفسي للمول وأجرب
وكذلك الخلطات تجي وحده تسوي تجاره من قلوب المغفلات تبيع خلطاتها بتسع ميه وألف وإنتي مآشيه
وفي الحقيقه كل أغراض خلطتها ماتتعدى 30 ريال من العطار
شوي وعي ي بنات وسيدات
احس انا شعب مستغفل ماديا
والله يهدي التاجرات
وسلامتكم هذا اللي حبيت انبه عليه
:::::
وحده تجي من التاجرات والا المروجات للمواقع
وتقول حسد. معليش مو حسد الله يرزقالجميع
بس استغفال الناس شي يرفع الضغط
🌹🌹🌹