السلام عليكم ورحمة الله وبركاته
أخواتي أحب أنبهكم على شي من وقت قريب تنبهت له
أتمنى تسمعوا المقطع أول وأعتذر لأني ما عرفت أقطعه لكن عموما الجزئيه المقصوده من الدقيقه 1 الى 2:10
WIDTH=400 HEIGHT=350
طبعا حطيت المقطع كمصدر فقط يعني ما عليكم من عنوانه او عن ايش
ملخص كلام الشيخ حفظه الله حول الشي اللي اقصده
كان يقول أن النكت اللي قاعده تتألف على الصعايده ( البدو او القرويين ) او ... الخ مقصوده ماقالوها عبث وهم قاصدين بذلك مو نفس الأشخاص او طبيعة حياتهم لا قصدهم الدين اللي يتمثلوه
فهم بكذا يريدون تنفير الناس من الدين اصلا فلما الناس تنكت عليهم طبعا الباقيين ماراح يحذون حذوهم في امور الدين عشان لا احد بكره ينكت عليه ويقوله صعيدي
انتهى ..
طبعا هذا الكلام يخلينا نتنبه اكثر للنكت
وطبعا في الأصل النكت هذا حكمها بغض النظر هي فيها استهزاء او لا
طيب نرجع لموضوعنا
فاللي يلاحظ هذي الأيام ان هذا الشي يصير بكثره وماعاد هو مقتصر على النكت صار بطرق مختلفه ومنها الكاركتير
وغير كذا صار فيه تصنيفات جديده غير الصعايده مثلا
صار فيه مطوع و أشياء ثانيه
يعني مثلا تجيك وحده ما تبغى تلبس لبس محتشم عشان لا يقولون عنها قرويه
ولا ماتبي تلبس عبايه على الراس مثلا مو لسبب منطقي بس عشان لا يقولون عنها خاله
او يجيك واحد ما يبي يعفي لحيته عشان لا يقولون عنه مطوع
ولا احيانا يكون استهزاء بطريقه ثانيه
استهزاء بكاريكتير عن الاختلاط مثلا بس بطريقه غير مباشره
عشان الناس تعاف هذي التصرفات وتتركها عشان لا يصير معقد
او مثلا استهزاء بغيرة الرجل على محارمه نفس الشي وتنزع الغيره من قلوب الرجال شوي شوي عشان لا احد يقول عنه متشدد
أو استهزاء بحال المرأه في بعض الدول وطبعا هذا يصب في مصلحتهم عشان ينفروها منه وغالبا هو متعلق بمباديء دينها
يعني الغرض اللي ابي اوصله انه الاستهزاء عموما بأي وسيله هو بالنهايه يضر الشي اللي قاعدين نستهزأ فيه وهو وسيله لتقليله في المجتمع
فلما يكون في الدين هذا الاستهزاء راح ينعكس على المجتمع التهاون فيه والاستخفاف به
وهم يبغون يحسسونا ان رايهم صح واصحاب هذي التصرفات شاذيين
ونحن نعرف انه وسيله من وسائل المشركين التي استخدموها لمواجهة الدعوه هي الاستهزاء والسخريه بالمسلمين
فليش نحن نرضى بهذا و ليش نحن نساعدهم بنشرها بدعوى انها للتسليه والفكاهه بس !
أعتقد ان المحافظه على ديننا وقيمنا ومبادئنا أولى من الضحك
وهل صار ما يضحكنا الا الاستهزاء بهذه الاشياء !!!
فالحل بيدنا باذن الله اننا ماننشر مثل هذا الاستهزاء ايا كانت صورته سواءا نكته او كاركتير او .... الخ
ترانيم قلبي @tranym_klby
عضوة مميزة
يلزم عليك تسجيل الدخول أولًا لكتابة تعليق.
ترانيم قلبي
•
^
همســه
•
يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "
كرز مركز
•
جزاك الله خير وفعلا ياااااكثر النكت والي هي اصلا من الخيال يعني كذب واخاف هذا الي قصده رسولنا محمد صلى الله عليه وسلم ... وغير كذا فيها استهزاء بكل شيء ووصلت للحلال والحرام الله لا يبلانا
الصفحة الأخيرة