الاسرة المحطمه

المعروف باالاسره انها هي الي بتساندك وقت شدتك هي الملجا وقت الأذى ولكن اذا كانت هي الاذى من الملجا ؟؟ دائما م كنت اتعرض للتنمر في صغري اهلي كانو بداريه وكانو يعرفون اني مظلومه دائما كان يصير كل شي قدام عيونهم ولكن هل فكرو انهم يساعدوني ؟ خسرت الثقه والامل فيهم صرت اتعرض لمواقف تجرحني ولا اقول لهم صرت امرض ولا اقول لهم صرت اعتمد ع نفسي بعمر صغير صارتلي اشياء كثيره عرفت اشياء كثيره مخيبه للظن عرفت اني مختلفه عن الكل حاولت جاهده اغير من نفسي ومن نظرتي واتقبل بس مقدرت للاسف انا ادرس في المرحله المتوسطه اختي معي في المدرسه دائما وقت الفسحه انا لوحدي والله اني جالسه م افطر ولا شي بس اناظر البنات كلهم مع صديقاتهم وانا لوحدي ولا مرا فكرت اختي انها تعرفني ع احد وزمان لما كنت اعرف صديقاتها خلتني اقطع علاقتي فيهم كلهم والله ان ودي اكون بالحمامات طول الفسحه لاني انحرج من نفسي اما وقت حصص الفراغ لان ماعندي احد اسولف معه احط راسي وانام ، اواجه صعوبه ببعض المواد وانا احتاج احد يفهمني ويفهم اني مو بخير ولكن المعلمات دايم م يرفعون صوتهم ويقولون كلام ماله داعي صرت اغيب كثير وتدنى مستواي في الدراسه كنت ابي اتهرب من كل شي ولما اداوم تجيني ابلة الغياب وتسألني قدام كل البنات ليه غايبه شي مستفز ولا تسألني اشياء مالها داعي وفي مرا قالت غيابك مو طبيعي انتي فيك شي؟ بطريقه مقرفه وقتها جت ابلة الرياضيات وقالت كلنا عندنا ظروف لو عندك ظروفك حولي منازل ممكن يكون كلام عادي بس والله ياني انهرت بسبب هالشي فوق هالكلام ذا كله كنت جالسه ب مجموعه لوحدي وكل البنات مع بعض والله احراج اما عن الاهل ولا مرا جربت افضفض لامي ولا اختي ولا اخوي ولا ابوي لانهم دائما يسفهوني ولا يستفزوني ولا يقولون كلام يجرح "مريضه نفسيه " متخلفه " صرت اتهرب من واقعي بالنوم لاني تعبت وصارت امي تقول عني متوحده لاني انام كثير طيب ابوك؟ ابوي كل م يشوفوني ينقد علي ويقول كلام وفي مرا هددني انه يبني عيله جديده وانه عايفني و سواها صرت اعتمد ع نفسي واجمع من مصروف المدرسه خمسه ع خمسه عشان م اخلي شي بنفسي واشتريلي ملابس كان ودي اجمع عشان اعالج حساسيتي ولا اسويلي تحاليل احتاجه بس هالشي لازم ابوي يسويه لي دايم اقوله ويقول بعدين بعدين ولا مرات م يرد علي بسبب كل هذا لجأت للمواقع التواصل وصرت اتعرف ع ناس عشان يعوضوني عن كل شي صار لي واحس بالحنان الي م حسيت فيه وبسبب تعطشي للحنان تعرضت اكثر من مرا للاستغلال بصوره مقرفه ولا الابتزاز كان الي ابيه اني القى حضن ارتاح فيه و اقول كل شي بقلبي الي ابي اوصله للبعض لاتأذي اطفالك وحبهم وخلي بينكم ثقه عشان م يصير مثلي ويفضفض لغيرك لانه م القى منك اي حنان او سند قبل لاتخافِ انه يكسر ثقته فيك خافِ انتِ انك تكسرِِ ثقتك فيه …