حنين الروح +_+ :

مرحبا بكم بنات عالم حواء .... شكرا لكم على هذا الموضوع المهم .. والله إني من زمان أدور على موضوع عن الاجهاض وكنت أسأل بس محد معطيني وجه ... :44: المهم أخواتي أنا أجهضت مرتين ولله الحمد .. أتمنى أن تكون آخر مرة ..:) حملت في المرة الأولى بعد زواجي ب 11 شهر وأجهضت في الاسبوع الخامس وكان ينزل مني دم بني ثم دم احمر استمر 3 ايام وبعدها أجهضت ولم أكن أعرف مالسبب والدكتوره ما قالت لي شنو السبب لان أجهضت في مستشفى خاص وعملت عملية تنظيف في مستشفى آخر عام .. :( وحملت المرة الثانية بعد سنتين وشهرين من الاجهاض الأول ولم أكن أعلم سبب تأخر الحمل وبعد الفحوصات اكتشفت الدكتورة اني اعاني من تكيس المبايض وبعدها عملت عملية كي المبايض وحملت بعد شهرين من العملية واستمر الحمل ست شهور ولم اكن أعاني من أي شي وفجأة اصابني التهاب البول وعطتني الدكتورة مضاد اسمه زينات لمده اسبوع وحسيت اني صرت بخير وقالت لي الدكتوره ان الالتهاب راح ولكن كنت اشوف وايد افرازات بدون رائحه وكنت اسال قالوا لي الافرازات طبيعيه في الحمل ودائما اشوف ماي ينزل فكرت في الاول اني اتبول لا اراديا بسبب الالتهاب واستمر هالشي اسبوعين بعدها حسيت بألم اسفل البطن وكل يوم يزيد الالم ولاحظت وجود افرازات كثيره كانت هذي الافرازات هي الماي مع وجوع نقط دم :44: ورجعت المستشفى مره ثانيه ويوم شافتني الدكتوره قالت لي ان الماي الي حول البيبي قليل جدا والبيبي نازل تحت ورجعت البيت واحس الالم يزيد من اسفل البطن ويمتد للظهر وكان هذا طلق الولادة :( ولا كنت ادري اول مره اجرب الطلق واخذني زوجي :arb: للمستشفى مره ثانيه وقالت الدكتوره خلاص البيبي قاعد ينزل يعني الحين انا اجهض وركبوا علي الطلق الصناعي وعلى طول ولدت وجبت ولد وما كان ميت كان عايش ويتحرك بس الممرضات ما سووا له شي وخلوه يمكن 5 دقايق وبعدها توفى :icon33: ... مع العلم اني سويت تحاليل الدم قبل الاجهاض وطلع كل شي أوكي ما عدا ان فصيلة دميB سالب وزوجي A موجب .. وفي الاجهاض الاول ما كنت ادري عن الابره ولا عطوني اياها بس في الاجهاض الثاني قلت لهم عنها وعطوني اياها بعد الاجهاض ب 5 ساعات .. بس بعد بروح اشوف الملف الخاص فيني في المستشفى وبتأكد اني اخذت الابره والله لا ... وبعد الاجهاض شافني الدكتور وقال لي لازم نسوي لك أشعه ملونه على الرحم عشان نعرف سبب الاجهاض لان يمكن تحتاجي ربط ... الله لا يقوله :( والله يا بنات هذا الاجهاض توه صاير لي من 10 أيام وحالتي النفسيه دمااااااااار خصوصا من شفت ولدي وتحسرت عليه :icon33: .. وخايفه احمل مره ثالثه ويصير لي مثل الشي .. مع اني ناويه اسوي كل التحاليل عشان اعرف السبب الي خلاني أجهض مرتين .. طلبتكم يا بنات ... أبيكم تقولون لي وش هي التحاليل الي لازم اسويها عشان اقول لدكتورتي عنها يمكن هي تكون غافله عن شي ... ادعوا لي يا بنات الله يرزقني ويثبته لي ويرزق كل محرومه .. نفسيتي تعبانه جدا لدرجة اني لما اكون وحيده أبكي وأبكي .. الشكر الجزيل للاخت الي طرحت الموضوع

مرحبا بكم بنات عالم حواء .... شكرا لكم على هذا الموضوع المهم .. والله إني من زمان أدور على موضوع...

^ريوف^ :

الله يكون بعونك اختي.. والله حاسه فيك حيـــــــل.. وان شاءالله ربي يعوضنا .. ولنا اجر بأذن الله .. فكري بعد يا اختي انها ***** الله .. بتكون خيرهـ لك .. انا مثلك مرتين اجهضت المره الاولى ماعرفو السبب المره الثانيه .. اكتشفو ان معي اجسام مضاده .. انتي اختي يمكن بسبب فصيلة الدم .. وبعد خليهم يسون لك تحليل الاجسام المضاده .. وسوي كل تحليل يلزمك..قبل الحمل الجديد ان شاء الله .. حتى زوجك اختي خليه يسوي تحاليل .... وان شاء الله ربك كريم ... وتوكلي على الله ..

الله يكون بعونك اختي.. والله حاسه فيك حيـــــــل.. وان شاءالله ربي يعوضنا .. ولنا اجر بأذن...

^ريوف^ :

الله يكون بعونك اختي.. والله حاسه فيك حيـــــــل.. وان شاءالله ربي يعوضنا .. ولنا اجر بأذن الله .. فكري بعد يا اختي انها ***** الله .. بتكون خيرهـ لك .. انا مثلك مرتين اجهضت المره الاولى ماعرفو السبب المره الثانيه .. اكتشفو ان معي اجسام مضاده .. انتي اختي يمكن بسبب فصيلة الدم .. وبعد خليهم يسون لك تحليل الاجسام المضاده .. وسوي كل تحليل يلزمك..قبل الحمل الجديد ان شاء الله .. حتى زوجك اختي خليه يسوي تحاليل .... وان شاء الله ربك كريم ... وتوكلي على الله ..

الله يكون بعونك اختي.. والله حاسه فيك حيـــــــل.. وان شاءالله ربي يعوضنا .. ولنا اجر بأذن...