والله مشكلة صعبة جدا

بس احسن شي مثل ما قالوا البنات تكتبين رسالة لها بس تخلين أحد غيرج يكتبها عشان ما تعرف خطج وتكتبين بالنهاية أختج فالله مو لازم تكتبين إسمج

أو تفتحين موضوع عن النظافة

تحياتي

السلام عليكم
اختى الصراحه لو انا امون عليها اكلمها باموضع بس بدون ما اجرحها يعنى اتكلم معها بطريقه غير مباشره مثال اول شى نتكلم عن المكياج والملابس وبعدين اتكلم معها عن اخر مستحضرات العنايه الشخصيه واخر مستحضر نزل باسوق واعلمها انى شريته واستخدمته وهو روعه بذلك اخلص من المشكله وسعره مقبول

شوفي حبيبتي والله انا برأيي انج ما تحطين الورقه على مكتبها لانها بتنحرج وبتعرف ان الكلام موجه لها وبتقعد تفكر من اللي كتبها وبتشك في كل وحده ويمكن تعاملها يتغير معاكم <<<سوت فلم هندي ...المهم حطيييييييييها في الحماااام اللي هي تروحه....علقيها على الباب او اي مكان واضح واطبعيها بالكمبيوتر أحسن وبخط كبير اكتبي مثلا (اختي المسلمة النظافه من الايمان فحافظوا على نظافتكم الشخصية ولا تكوني سبب بانزعاج الآخرين من رائحتك) <<ما أعرف أعبر ....المهم بهذا المعنى...وان شاء الله تفهم ويمكن تسوين خير وكل البنات اللي ريحتهم مزعجه ينتبهون ....

عاد اذا ما فهمت ...حطيها في مكتبها :30:

بنات بصراحه قويه اكتب لها ورقه واحطها على مكتبها..حرااااام...


اول شي لازم تعرفونه..الرائحه الكريهه..تأتي بأسباب..
اولا.. وهذا الغالب..عدم الاهتمام بالنظافه..يعني تقعد الوحده كذا يوم ما تتروش..
والثاني زيادة التعرق..تلقين وحده كل يوم تتروش بس عندها مشكله في الغدد..وهذي الله يشفيها..
والاخيره..تكون عندها حساسيه لبعض المأكولات..ولو تتروش مليون مره ماراحت الريحه..


افضل حل..مثل ما قالو البنات تكلمو بشكل عام انتي والبنات...وخليك كأنك انتي اللي تبينه مو تقصدين احد...

وقولي ودي اغير حقي جاب لي حساسيه...ولا اي شي..واسأليهم كل وحده وش تستخدم..
وقولي بعد كم يوم لقيت واحد ريحني .....وخلي وحده من البنات تقولك جيبي لي مثله ابجربه..
واسأليهم من تبي اجيبلها...
قولي لهم تراني شاريه درزن...<<علشان ما يستحون او يخافون يكلفون عليك...

كذا منتي جارحتهم....

والله يكون في العون...

مسا الخير خواتي....
اشكر كل من رد و اعطى النصيحه بالنسبه لمشكلتي....
الاخوات...
طوق البنفسج.....يالفعل اختي في ناس تلبس الثياب مرتين و ثلاث بدون ما يتسبحون يا ربي كيف يطيقون انفسهم.....و نور الموضوع بردك

* الـــذكـيـة *.....هلا اختي وبالفعل انا فتحت البارحه موضوع العطور و الدودورانت بشكل عام بدون ما اوجه كلامي لاحد. ...ومشكوره على ردك

هناء_الكويتيه....هلا اختي...بالفعل هذا اللي سويته البارحه تكلمت في موضوع العطورات و الحر و الدودورنات إن شاء الله عاد ايجيب نتيجه كلامي ....مشكوره على ردك

بنوتـــــه.....بالفعل فكرة الورقه يمكن تجرح.....اما الورقه في الحمام والله فكره ممتازه....
مو بس حق اللي فيهم ريحه.....اتصدقين تنفع بعد حق اللي ما يستحن على وجوهن كل وحده كبرها كبر ومخلين الحمامات تقولين حمام روضه مو حمام جامعه..والله فكرتك عجبتني وايد مشكوره اختي على الرد والنصيحه......

نونو وبس....اختي صحيح كلامك بخصوص الريحه و بالفعل صحيح كلامك عن الناس اللي غصبن عنهم تطلع الريحه رغم استحمامهم...وبصراحه ما كنت اعرف ان في ناس الاكل يسوي لهم حساسيه و تطلع منهم ريحه.......مشكوره اختي نونو على المعلومات وجزاكي الله خير.....

الكــادي....اختي مشكوره على ردك ونور الموضوع... والله فكره...إن شاء الله بتكون من ضمن مخططاتي...
اذا ما نفع ابداً كلامي اللي تكلمته معاهم البارحه عن العطورات ومزيلات العرق....بكلمهم عن الكريم اللي خبرتيني عنه....
وأنا بالفعل شايفه الكريم اللي تقصدينه في الصيدليه كانو يسون له دعايه وعطوني بروشر عاد من سنه يمكن...بس
شكلي بروح لنفس الصيدليه و بخليهم يعطوني بروشرات و بسوي لهم دعايه ببلاش... :huh:
وجــــــــــزاكــــــــــم الله كل خــــــــيــــــــــــــر اخواتي.....
اختكم
ثلـــــــــــــــــج