الاشعه الرباعيه

السلام عليكم حابه اسالكم بنات عن الاشعه الرباعيه في الرياض ودي أسويها عند استشاري مختص في الاشعه نفسها مو دكتوره عاديه تعرفون اي مركز يسويها وهل في فرق بين نوع الاشعه ابي اللي تبين لي التشوهات لا سمح الله لاني تأخرت بالحمل وخايفه بصراحه ومعاي صداع شديد يوميا اكل باندول والدكتوره تقول تحاليلك سليمه بس لازم نعرف أسباب الصداع انا توي دخلت الرابع وحابه اعرف انسب وقت لعمل الاشعه الرباعيه ابي أسويها مره وحده بس




سوالي الثاني انا اتعب في الحمل وحملت بعد عشر سنوات ووحمي هالمره كان غير تعب وغثيان واكتئاب ومرررره دمار وتوحمت على الموالح والحامض والحار وبعض الفواكه بس ما أطيق الحلا من ثلاث شهور توي الان بديت اتقبله مع اني كنت اموت فيه الزبدة كنت اتمنى انه ولد لانه عندي بنات وكنت مفكره انه ولد بس الحمدالله على كل حال سويت أشعه عند دكتوره بثينه في مستوصف الخزامى اذا احد يعرفها دكتوره شاطره مره من سنين ولها خبره وانا بنهاية الثالث قالت لي لسى حجم البيبي صغير بس احتمال سبعين في الميه بنت بس بعد شهر يبين اكثر ما اخفي عليكم اني حزنت شوي ولما رجعت البيت بكيت من قلبي لاني خلاص ماعاد أفكر احمل من التعب كنت ابي ختامها مسك ويكون ربي رزقني بولد لكن الحمدالله اهم شي ربي يجيبها بالسلامه واقوم بعافيتي وصحتي واللي زعلني بناتي مرررره حزنوني يقول نبي اخ لنا كنّا فرحانين قلت ماعليه هذا اللي كاتبه ربي لنا انتو تعوضوني ان شاء الله اذا كبرتو تجيبون الاولاد


افيدوني الله يجزاكم خير عن الاشعه الرباعيه وعن الدكتوره بثينه اذا احد يعرفها لانه مع انها مشهوره في العائله بس ماعمري قريت عنها في النت أنها معروفه