الاشياء اللي المفروض تكون معاك لما تروحين للمستشفى مع الصور

هلا حبيباتي كيف حالكم

محررات المنتدى تكفون يالاجوديات بنات الاجاويد فديت قلبكم ثبتوه عن خاطري الله لا يهينكم

انا حبيت احط الموضوع هذا لاني لاحظت ان بعض الاخوات في المنتدى مش عارفين ايش ياخذون
معاهم للمستشفى لما يبدى معاهم الطلق فهنا راح نلقى ان شاء الله كل الاشياء المهمة

المهم نبدأ باغراض البيبي و اللي هي:-
1- بدلة داخلية+ خارجية+ مهاد او لفة+ مهاد ثقيل للطلعة بالسلامة
اهم شي تكون البدلات دافية لان الصغار يبردون بسرعة و خذي قطعتين من كل حاجة
2- كيس حفاضات صغير حجم حديث الولادة
3- قبعة تغطي اذن البيبي مثل البونيت+ كفوف و جوارب
4- و هذا انا ما افضله لانه يسبب كسل للام و يتعب جسم البيبي
حليب و زجاجتين رضاعة حجم صغير

و اللحين نجي للماما:-
1- لبسه مريحة مع فتحة للصدر+ حمالات مريحة+ غيارات داخلية
2- سروال داخلي طويل
3- ملفع او اجلال خفيف او اخدار او طرحة كلها اسماء لشي واحد
4- فوطة صغيرة لعمل كمادات دافئة للصدر+ فوطة كبيرة للاستحمام
الاستحمام يمكن ان تؤجلينه للبيت بس ما في مانع لو تحممتي بالمستشفى
عشان تحسين بشوية نشاط و حيوية
5- صابونة منعشة+ شامبو عبوة صغيرة
6- كريم مرطب غير معطر تلاقينه في اغلب الصيدليات الكبيرة
7- عطر خفيف و ناعم عشان البيبي يتعرف عليج من خلال ريحته ولا تكثرين منه
عشان ما تذبحينه من الريحة و يتعب و تكرهين العطر بعد

هذي اهم الاشياء اللي لازم تكون معاكم ولا تنسون كيس تحطون فيه ملابسكم المستعمله

و حطيها في شنطة مناسبة مب صغيرة وايد و لين جيتي تطلعين الا هي ماتتسكر
و لا كبيرة وايد اللي يشوفج يقول مسافرة شهر

و بيني و بينكم انا اروح المستشفى بكيس السوق الحرة ما احط فيه الا جلابية و اجلال و غيارين
و طقمين ملابس دافية للبيبي مع 4 حفاضات و لما اولد الحمدلله و يرفعوني لغرفة اخليهم يجيبون
باقي السامان (الأغراض) مع التوزيعات (هدايا المولود للناس)

و شكرا لحسن انتباهكم على امل ان نراكم مرة اخرى في موضوع جديد يلق بقراطيسه

لا تنسون تدعون ربي يرزقني ببنوته قمر في حملي هذا