عندك pbs kids أحسن شي في التلفزيون الامريكي ..

أنا حتى اقعد اسجل منها افلام كرتون في الصباح واخلي اولادي يشوفوها في الويد اند لانها في الويد اند تشتغل من بدري مرة وتقفل على الساعة 10 وتبدأ برامج نجارة ورسم .. مرة رائعة بس الصغار يبغو افلام كرتون .

حتى موقعهم مرة حلو ..pbskids.org

انت قد ماتقدري تكلمي مع بناتك وفهميهم كل شي .. أنا حتى قبل يومين فهمت اولادي الفرق بين الزواج هنا وفي بلادنا وايش الصح وايش الغلط ..وكيف انه الاسلام يحفظ حق الاسرة وكيف انه الزواج مو بس اتنين عاشوا مع بعض في واحد بيت وانتهت القصة .. كيف انه اسرة واولاد ونسب وحرمة وكيف انه المرأة تحتفظ باسمها بعد الزواج ..

طبعاً انا بدأت المشوار من بدري مرة من قبل 6 سنين :)

أنا مع شام وحمرة الورد...انا ما عتدي كيبل ولا قنوات عربية ...بس اخليه يشوفون pbs kids
لان برامجها منتقاة بعناية ومدروسة...حتى لاحظي ان ايقاعها بطئ جدا مقارنه بأفلام الكارتون الثانية ..لاعنف ولا جنس ولا غيره ...عن جد تربوية ...ما يخلو الامر انه في مناسباتهم يحكون عن الكرسماس والهانوكا....وبنتي مع انه 3 سنوات ونص وجننتني على سانت كلوس والرسايل اللي تكتبهم له ...بس انا افهمها انه احنا مسلمين ولنا عيد ....الخ بس هي لسه صغيره وما تفهم !!

انا لما مرة صحيت الصبح لقيتها مسوية بالعابها شموع على صينة وتقول ..هابي هانوكا ...قلت لاحول ولا حوة الا بالله...وش يسوون اللي اولادهم كبار ومع الامريكان في مدراسهم طول النهار !!
هي في بري سكول...لكن نظام المدرسة عندهم مختلف ..ما يسمح لهم يحتفلون ولا باي مناسبة دينية ...بس لما سوو (هالوين ) خليتها تغيب كل الاسبوع..لانه طول الاسبوع والموضوع عنه:(
ولما صار الكرسماس ..كنت ناوية اعمل نفس الشي....بس قالت لي مدرستها انهم ما يحتفلون بالاعياد ..وخليها تروح.
يمكن البعض يعتبره تطرف ...بس انا اقول هذا السن اللي يتعودون الصغار فيه على كل شي !!
صاحبتي اول ما جت امريكا ..ولدها كان عمره 5 سنوات..لما يشوف وحده لابسه كم قصير يسوي فضيحة ,,,عيب عيب :) والان بعد 5 سنوات من التدجين ...يمكن لو يشوف وحده مغطية يقول ..شبح :)

ربي يحمي اولاد المسلمين

منولة ياعمري لاتطرف ولا شي .. أجل انا ايش تسميني اذا انت تطرف ..

تعرفي أيام الكرمسمس ماينفتح التلفزيون وإذا فتحناه حطينا شريط مو طول السنة أنا اسجل والسنتين الاخيرة ربنا رحمنا وسافرنا ..

كم مرة قريت عن ولد قال لامه انا احب سانتا واكره الله ..لانه سانتا يجيب هدايا والله يودي النار ..

والله اني اموت قهر لو واحد من بزورتي قالي كدا .. اظن احلق شعري ..

وفي وحدة من الاخوات هنا الله يصلح حالها كانت تخلي اولادها يروحوا في الهلوين يدوروا (ترك اور تريت).. ونصحتها كم مرة تقول بس مظهر مو معتقدين ..قلت لها اصلاً هم مهم معتقدين .. والله انه حال بناتها يحزن وربي ..

احرصي على بتنك ودحين يجيك الفالنتاين البلا حقهم قفلي التلفزيون والا سجلي لها من الايام دي قبل لاتنزنقي لانهم في الفالنتاين بزيادة ..

وبعده الايستر .. ماتخلص اعياهم وبعد الايستر الخامس من مايو حق المكسيكان وبعدين الرابع من يوليو ..

والله انتبهي حركة الهونكا دي ترعب لوحدها ..

الله يقويك ويعينك ..

مشكورة اختي على الموضوع

التلفزيون و ما ادراك ما التلفزيون هو اكيد اس الفساد و خاصة اذا كان عليه قنوات اجنبية

من شان هيك ما عنا لا دش و لا كيبل

في برامج الاطفال هي اللي سامحة فيها و مش كلها بعد ما راقبت البرامج سمحت بشي و شي لا لان في متل افلام الكبار و لو عالخفيف لكن بفتح عيون الطفل

و الحمد لله صار معروف بالبيت شو المسموح و شو الممنوع يعني تلقائيا بينطفي الجهاز او بتتغير المحطة لان بنسميه قلة ادب و بتحسي الولد بيصير مبرمج على انه هذا اي و هذا لا

سبحان الله الفطرة البريئة

و بالرسوم المتحركة متل ما قالت اختي شام لما بيمرق تصرف ما بنرضاه بنقول هذا امه ما ربته و ما علمته شو لازم يعمل و يقول

و ماشي الحال الحمد لله المهم الله يقوينا و يعينا على تربيتهم

اما باقي المحطات ما لغيتها و انما فقط لنشرة الاخبار و الطقس

و الله المستعان

يابنات تذكرت شي خطير .. تعرفوا سبنج بوب ..

مرة جابوا حلقة عن الشذوذ الجنسي ... هي صحيح مو واضحة كتير لكن مفهومة ..

اليي شافها كانت الحلقة لما اسبنج بوب لقي محارة صغيرة مالها اهل قام قالت لنجمة البحر باتريك خلينا نتبناها ..

وصار سبنج بوب الام وباتريك الاب .. طبعاً مانحس انه فيها شي لكن هم الشواذ عايشين بنفس الطريقة ..

واحد يقعد في البيت ينتبه للطفل وواحد يروح يشتغل .. وطول وقتهم مخاصمات على مين انتبه للطفل اكتر ..

أصلا انا بعد ماشفت انه اسبنج بوب يطيح بنطلونه كل شوية بطلت اخلي اولادي يشوفوه حتى برة البيت ممنوع وحتى ما يقدروا يشتروا شي فيه صورته ..

كرتهه كتير .. حسبي الله عليهم ..