الاطفال والتجمعات

بسم الله الرحمن الرحيم



السلام عليكم ورحمة الله وبركاته خواتي الحوائيات

قريت موضوع في المنتدى في قسم الاطفال لوحده من الاخوات ملخص الكلام اللي كتبته انه ياامهات الاطفال حطي عيالك في بيتك ولاتنقلينهم وان هذا من الاتيكيت عشانك وعشان برستيجك وكلام ماانزل الله به من سلطان !!




صراحه استعجبت كلامها رغم ان ماعندي اطفال ولاني ام لكن عايشه في مجتمع فيه اطفال وشايفه الامهات مافقدو اي ذره من الاتيكيت وعيالهم معهم

يعني ماادري تبي الوحده تنحجر في البيت عشان عندها طفل ولاطفلين وخلاص تعتزل الطلعات

ولا كل مره بتطلع تروح تترجى اهلها ولا اهل زوجها ولا زوجها يمسكون اطفالها لين ترجع مره مرتين معقول للمناسبات الكبيره لكن طلعات عاديه !!


ولا تبيها تخلي طفلها في البيت او اطفالها مع خدامه مايدرى وش نواياها

!!!! كل حل من الحلول السابقه اصعب من الثاني

انا اشوف ان الاتيكيت مفروض يكون من صاحبه البيت اللي عازمه اكيد عندها اطفال اذا بتعزم تحاول تحتوي الاطفال بالعكس هذا الذوق


تراهم اطفال اي شي يسكتهم تحطهم بغرفه وتحط لهم العاب وتلفزيون واكل فشار وعصيرات وراح يسكتون ليش تكبير الامور خصوصا اطفال هالوقت مع الايبادات اربع وعشرين ساعه

ولا اذا بيتها فيه حوش خير وبركه بالحوش وتوصيهم مايدخلون البيت وهم اصلا وش بيدخلهم اذا كل شي عندهم برا بالعكس

منها تسعد اطفالها بوجود هالاطفال وانتم عارفين كيف يفرحون الاطفال اذا جاهم اطفال ومنها تريح الضيفه اللي جايتها

انا تخصصي رياض اطفال ترى الاطفال عجينه لينه سهل تشكيلها لاتعقدونهم وتعقدون انفسكم برفض وجود الاطفال بااجتماعاتكم

حاولوا تجدون لهم حلول لاتدورون اسهل الحلول وترفضونهم مره وحده




الموضوع لكم يالغاليات