الاعتذار و التسامح " مشاركة في مسابقة النجوم "

السلام عليكم و رحمة الله و بركاته
مافي انسان ما يغلط او يجرح احد بقصد او بدون قصد و دايم الانسان يتعلم من غلطه و يحاول قد ما يقدر ما يعيد هالغلط مرة ثانية احياناً نغلط بحق انفسنا و نحملها فوق طاقتها علشان ما نزعل او نخسر اللي حولنا رغم انهم لو انحطو بنفس موقفنا كان اول ناس تخلو عنا
موضوعي اليوم كتبته علشان اعتذر لنفسي اعتذر لها عن كل غلطة غلطها بحق نفسي من لما كبرت و صرت افهم الصح من الغلط لحد اليوم ب اعتذر لها على كل الم سببته لها ب اعتذر لها عن كل تقصير بدر مني بحقها ب اعتذر لها عن كل لحظة مرة بعمري و انا بعيده عن ربي و لما ترضى علي نفسي ب ابدأ اعتذر لكل شخص اسأت له في يوم بطريقة مباشرة او بدون كنت اشوف الاعتذار شيء يمس كرامتي و خاصة لو هالشخص اللي انا غلطت عليه قد غلط علي بس تذكرت اني انا اكثر وحدة غلطت في حق نفسي و سمحت لهم يغلطون علي و حابة اعتذر للناس اللي غلطت عليهم بيني و بين نفسي سواءاً بشعور سيء او دعوة مو حلوة


و من جهة ثانية حابة اسامح كل شخص غلط علي كل شخص كان سبب في نزول دمعتي ابغى اسامح علشان يرتاح صدري احس بثقل في صدري من كثر مو شايلة ع الناس
ابغى اسامح امي رغم انها ما قصرت معاي بشيء بس عيشتني بعذاب نفسي و جسدي كبير
ابغى اسامح ابوي اللي تخلى عني علشان زوجته ما تزعل و عيشني يتيمة و هو حي
ابغى اسامح زوجي اللي انخدعت فيه
ابغى اتسامح مع نفسي علشان اقدر اعيش


اعذروني اذا كلامي و موضوعي ملخبط بس كلنا شايلين هموم كبر الجبال و اغلب هالهموم صنعناها ب ايديني


جربو تفتحون قلوبكم و تصفونها من كل شيء شيلو الحزن اللي بقلوبكم و بدلوه بفرح صح هالشيء صعب بس مافي شيء يصعب على رب العالمين